سەرۆک بارزانی: هەوڵی زۆرماندا کورد لە سووریا یەک دەنگ و یەک هەڵوێست بن

ئاڤا نیوز

سەرۆك بارزانی لە چوارچێوەی گوتارێکدا لە كۆنگرەی یەكگرتنی هەردوو ڕێكخراوی یەكێتی قوتابیان و یەكێتی لاوانی کوردستان تیشکی خستەسەر هەوڵەکانی بۆ یەکدەنگی و یەکهەڵوێستی کورد لە ڕۆژئاوای کوردستان.

وێنە گەورەکە: ئەمڕۆ پێنجشەممە، 2025-05-15، بەسەرپەرشتی سەرۆک بارزانی، کۆنگرەی یەکگرتنی یەکێتیی قوتابیان و یەکێتیی لاوانی کوردستان لە شاری هەولێر دەستی بەکارەکانی کرد کە بڕیارە یەک ڕۆژ بخایەنێت. سەرۆک بارزانی گوتارێکی پێشکەش کرد و باسی چەند تەوەرێکی گرنگی ناوخۆیی و ناوچەیی کرد، یەکێکیان یەکڕیزی لایەنە کوردییەکانی ڕۆژئاوا بوو.

لێدوانی فەرمی: سەرۆک بارزانی لە کۆنگرەی یەکگرتنی یەکێتیی قوتابیان و لاوان لەبارەی هەوڵەکان بۆ یەکڕیزی لایەنە کوردییەکانی کورانی ڕۆژئاوا ڕایگەیاند، هەوڵی زۆرماندا کورد لە سووریا یەک دەنگ و یەک هەڵوێست بن.

 

باکگراوند: ڕێککەوتی 26ـی 4ـی 2025 هێزە سیاسییەکانی ڕۆژئاوای کوردستان "کۆنفڕانسی نیشتیمانی" ڕێکخست، تێیدا داواکارییەکانی کورد لە دەسەڵاتی نوێی دیمەشق و دەستووری داهاتووی وڵاتەکەدا دیاری کران.