ڕەزامەندی وەرگرتنی زەوی بۆ زیاتر لە 10 هەزار پێشمەرگەی دیکە دەردەچێت

ئاڤا نیوز

 

ئەنجوومەنی وەزیرانی هەرێمی کوردستان، ڕەزامەندی لەسەر فۆڕمی وەرگرتنی زەوی گرووپی سێیەمی وەزارەتی پێشمەرگە دەردەبڕێت و هەفتەی داهاتوو فۆڕمەکان بۆ شاروانییەکان دەگەڕێنرێنەوە.

 

وێنە گەورەکە: تاوەکو ئێستا ڕەزامەندی بۆ نزیکەی 30 هەزار پێشمەرگە بۆ سوودمەندبوون لە وەرگرتنی زەوی لە ئەنجوومەنی وەزیرانەوە گەڕێنراوەتەوە وەزارەتی شارەوانی، هەفتەی داهاتووش ناوی گرووپی سێهەم کە ڕەزامەندییان بۆ دەرچووە، دەدرێتەوە بە شارەوانییەکان لە شارەکانی خۆیان.

 

لێدوانی فەرمی: سەربەست مەولوود، سەرپەرشتیاری تیمی وردبینیی پرۆسەی دابەشکردنی زەوی له‌ وه‌زاره‌تی شاره‌وانی بە ئاڤا میدیای ڕاگەیاند، "ئەمڕۆ پێنجشەممە ڕەزامەندی بۆ پێدانی زەوی بە 10 هەزار و 300 پێشمەرگەی لیواکان گەڕاوەتەوە، ئێستا کار لەسەر ئامادەکردنی فۆڕمەکانی قۆناغی چوارەم دەکەین کە پێشمەرگەی یەکەکانی 80 و 70 ـش لەخۆ دەگرن."

 

ئەوەی پێویستە بیزانیت: 65 هەزار و 667 هەزار پێشمەرگە بە حەوت قۆناغ بەپێی نزیکییان لە ناوچەکانی نیشتەجێبوونیان لە وەرگرتنی زەوی سوودمەند دەبن.