مەسعود پزیشکیان: ئێران لە هەڕەشەی ئەمریکا ناترسێت

ئاڤا نیوز

 

سەرۆککۆماری ئێران لە نوێترین چاوپێکەوتنی ڕۆژنامەوانیدا ڕایگەیاند، لە دانوستانە ئەتۆمییەکانمان لەگەڵ واشنتن بەردەوام دەبین و لە ‌هەڕەشەکانیش ناترسین.

وێنە گەورەکە: ئەمریکا و ئێران تاوەکو ئێستا چوار گەڕی دانوستانیان لەبارەی بەرنامە ئەتۆمییەکانی تاران ئەنجامداوە بەڵام تاوەکو ئێستا هیچ ڕێککەوتنێکی هاوبەشی لێنەکەوتووەتەوە. 

لێدوانی فەرمی: مەسعود پزیشکیان، سەرۆککۆماری ئێران ڕایگەیەند، نازانین باوەڕ بە کام قسەی ترەمپ بکەین لە یەک کاتدا باسی ئاشتی و هەڕەشەی سزادان دەکات. 

-    ئێمە بەدوای شەڕدا ناگەڕێن و لە هەڕەشەکانیش ناترسین. 
-    لە دانوستانە ئەتۆمییەکانمان لەگەڵ واشنتن بەردەوام دەبین. 

لەلایەکی دیکەوە: عەباس عێراقچی، وەزیری دەرەوەی ئێران ڕایگەیاند، هیچ نووسراوێکیان لە ئەمریکاوە سەبارەی بە دانوستانە ئەتۆمییەکان پێ نەگەیشتووە.