حکومەت و کۆمپانیاکانی کوردستان لە ئیستەنبووڵ 12 گرێبەستیان کرد

ئاڤا نیوز

حکومەت و کۆمپانیاکانی هەرێمی کوردستان لە ئیستەنبووڵ 12 گرێبەستی گرنگ لە بواری دیجیتاڵی لەگەڵ کۆمپانیاکانی جیهان واژۆ دەکات. ساڵی داهاتووش 500 کۆمپانیا و براندی جیهانی لە بواری دیجیتاڵی دێنە کوردستان و پێشانگایەکی جیهانی دەکەنەوە.

وێنە گەورەکە: بۆ ماوەی سێ ڕۆژ پێشانگەی وۆرڵد ئێف لە ئیستەنبووڵ بەرێوەچوو، تایبەت بوو بە بازرگانی ئەلیکترۆنی، گەورە کۆمپانیاکانی وەک ئەمازۆن و عەلی بابا و ئیبەی بەشدار بوون. حکومەتی هەرێمی کوردستانیش لەرێگەی شاندێکی وەزارەتی گواستنەوە و گەیاندن بەشدار بوو.

لێدوانی فەرمی: د. ھەڵۆ تاڵەبانی، خاوەنی کۆمپانیای گالینا ئێکسپرێس بە ئاڤای گوت؛ یەکێک لە گرێبەستەکان تایبەیە بە حاجییان، دەتوانن بە دڵی خۆیان شت بکرن، ھەرچی ئاوی زەم زەم و دیاری و شتی دیکەیە لەرێگەی ئەو گرێبەستەی کردوومانە لەگەڵ كۆمپانیایەکی سعوودی بە ئاسانی و بێ کێشە بۆیان دەگەیەنرێتە بەر دەرگای ماڵەوە! 

زانیاریی زیاتر: د. ھەڵۆ دەڵێت، یەکێکی دیکە لە گرێبەستەکان تایبەتە بە جووتیاران، دەتوانن میوە و بەرھەمی چاک بەرھەم بھێنن، بۆیان دەگەیێنینە ھەر وڵاتێک بیانەوێت.