هەردوو یانەی نەورۆز و زاخۆ 10 خولەک لە هەولێر یاری دەکەن

ئاڤا نیوز

 

فیدراسیۆنی تۆپی پێی عێراق دوای نزیکەی مانگێک، دەربارەی یارییە تەواونەکراوەکەی نێوان نەورۆز و زاخۆ بڕیاری دا، بەگوێرەی بڕیارەکەش لەسەر یاریگەی فڕەنسۆ هەریری و بەبێ ئامادەبوونی هاندەر یارییەکە تەواو دەکرێت.

 

چیرۆکی سەرەکی: لە ڕابەرییەکانی گەڕی 29ـی خولی ئەستێرەکانی عێراق، یانەی نەورۆز لە یاریگەی خۆی ڕووبەڕووی  زاخۆ بووەوە و یارییەکە تاوەکو خولەکی 80 بەبێ گۆڵ یەکسانبوون، دواتر بەهۆی شەڕ و ئاژاوە یارییەکە ڕاگیرا، ئەمڕۆ فیدراسیۆنی تۆپی پێی عێراق بڕیاری دا ڕۆژی 24-05-2025 کاتژمێر 07:00 لەسەر یاریگەی فرانسۆ هەریری ئەو 10 خولەکەی لە یارییەکە مابوو بەبێ ئامادەبوونی هاندەر بەڕێوەبچێت.

 

لێدوانی فەرمی: نەوا لەتیف، بەڕێوەبەری ڕاگەیاندنی یانەی وەرزشی نەورۆز بە ئاڤای گوت، "پێشووتر تانەمان لەو بڕیارە داوە کە دەبێت یارییەکە لە یاریگەی خۆمان تەواو بکرێت، بۆ بەشداریکردن لەو یارییەش پێویستی بە بڕیاری ئیدارەی یانەکە هەیە."

 

ئەمەش بزانە: پێشتووتر فیدراسیۆنی تۆپی پێی عێراق بڕیاری دا هەردوو یانە تا کۆتایی وەرز بێ هاندەر یاری دەکەن، هەروەها یەکی 25 ملیۆن دیناری عێراقی سزا دەدرێن.