شاندی دەم پارتی سەردانی عەبدوڵڵا ئۆجەلان دەکات

ئاڤا نیوز

 

جارێکی دیکە شاندی دەم پارتی سەردانی ئیمرالی دەکەن و لەبارەی پرۆسەی ئاشتی لە تورکیا لەگەڵ عەبدوڵڵا ئۆجەلان گفتوگۆ دەکەن.

 

وینە گەورەکە: دوای بڕیاری چەکدانان و خۆهەڵوەشاندنەوەی پەکەکە لە ڕۆژی 12ـی ئایاری 2025، ئێستا چاوەکان لەسەر تورکیا و هەنگاوەکانی ئەو وڵاتەن لە بەرامبەر پرسەکەدا، هەروەها لە دوای کۆنگرەی 12ـی پەکەکەوە، ئەمە یەکەمجارە شاندی دەم پارتی سەردانی ئۆجەلان دەکات و لە نزیکەوە دیدارییان دەبێت.

 

ئەوەی پێویستە بیزانیت: ئەمڕۆ یەکشەممە 18-5-2025، میدیاکانی تورکیا بڵاویانکردەوە، هەریەک لە پەروین بوڵدان و فایەق ئۆزگور، بە مەبەستی بینینی عەبدوڵڵا ئۆجەلان، سەرۆکی پارتی کرێکارانی کوردستان "پەکەکە" سەردانی ئیمرالییان کردووە.

 

باکگراوند: دوای دەستپێکردنی پرۆسەی ئاشتی لە تورکیا، ئەمە پێنجەم دیداری شاندی دەم پارتییە لەگەڵ عەبدوڵڵا ئۆجەلان و پرۆسەی ئاشتی لە وڵاتەکە پێی ناوەتە قۆناغێکی نوێوە.