دوو کۆمپانیای ئەمریکی پەرە بە کێڵگەیەکی غازی هەرێمی کوردستان دەدەن

ئاڤا نیوز

کۆمپانیای ئێچ کەی ئێن ئێنێرژی و گرووپی ئۆنێکس ڕێککەوتنێکیان لەگەڵ حکومەتی هەڕێمی کوردستان واژو کرد بۆ گەشەپێدان بە کێڵگەی غازی میران بە هاوبەشی لەگەڵ کۆمپانیای میران ئێنێرژی.

ڕاگەیێنراوی فەرمی: بە گوێرەی ڕاگەیێنراوی کۆمپانیای ئێچ کەی ئێن ئێنێرژی، مەزەندە دەکرێت کێڵگەی غازی میران 8 ترلیۆن پێی سێجا غازی سرووشتی تێدا بێت کە کۆمپانیاکە پەرەی پێدەدات و لە دوور مەودادا بەهاکەی دەگاتە 40 ملیار دۆلار. 

لێدوانی فەرمی: ڕوسێڵ فریمان، بەڕێوەبەری جێبەجێکاری ئێچ کەی ئێن ئێنێرژی، ڕایگەیاند گرێبەستەکە گرنگییەکی زۆری کۆمپانیاکان و هەروەها بۆ داهاتووی وزەی هەرێمی کوردستانیش هەیە. 

زانیاریی زیاتر: غازی بەرهەمهێنراو لەم کێڵگەیە بۆ بەکاربردنی ناوخۆ، دابینکردنی پێداویستییەکانی وزەی هەرێم و گەشەدان بە ئابووریی دوورمەودا و پێداویستییەکانی دیکە تەرخان دەکرێت.

 

- گرێبەستەکە هەروەها نیشانەیەکە لە بەهێزیی هاوبەشیی نێوان وەبەرهێنەرانی ئەمریکی و حکومەتی هەرێمی کوردستان بۆ گەشەپێدان بە کەرتی وزەی هەرێمی کوردستان.