کاردانەوەی گرێبەستە 110 ملیار دۆلارییەکەی نێوان هەرێمی کوردستان و ئەمریکا لە میدیا جیهانییەکان

ئاڤا نیوز

 

ڕێککەوتنە 110 ملیار دۆلارییەکەی نێوان هەرێمی کوردستان و ئەمریکا کە بە سەرپەرشتی سەرۆکوەزیران مەسرور بارزانی لە واشنتن واژۆ کرا، لە میدیا جیهانییەکان دەنگدانەوەی گەورەی دروست کرد. ئاژانسی ئەنادۆڵ ڕێکەوتنەکان  بە "گەورە" ناودەبات. 

 

وێنە گەورەکە: ڕۆژی دووشەممە 19-5-2025، دوو گرێبەست لە بواری نەوت و وزە لەنێوان کۆمپانیاکانی 'ئێچ کەی ئینێرژی' و 'وێستێرن زاگرۆس'ی ئەمریکی، لەگەڵ وەزارەتی سامانە سرووشتییەکانی هەرێمی کوردستان لە ئەمریكا بە ئامادەبوونی سەرۆكوەزیران مەسرور بارزانی واژۆ کرا.

 

چیرۆکی سەرەکی: لە میدیاکانی تورکیا، وڵاتانی عەرەبی و میدیا نێودەوڵەتییەکان بە گرنگییەوە باس لە دوو ڕێککەوتننامە گەورەکەی نێوان وەزارەتی سامانە سرووشتییەکانی هەرێمی کوردستان و ئەمریکا  دەکرێت. 

 

کاردانەوەکان:

ئاژانسی ئەنەدۆڵی تورکی: هەرێمی کوردستان دوو ڕێککەوتننامەی گەورەی لەگەڵ ئەمریکا واژۆکردووە.
 

چەتینەر چەتین، ڕۆژنامەونووسی بەناوبانگی کەناڵی هەبەرتورک دەڵێت: حکومەتی هەرێمی کوردستان ڕێککەوتننامەی گرنگی لەگەڵ ژمارەیەکی زۆر لە کۆمپانیا ئەمریکییەکان واژۆ کردووە. 

ڕۆژنامەی دەیلی سەباح: ڕێککەوتنە گەورەکەی نێوان هەرێمی کوردستان و ئەمریکا دەنگدانەوەی گەورەی بەدوای خۆیدا هێنا.

شەفەق نیوز: هەرێمی کوردستان ڕێککەوتنی ملیاریی لەگەڵ ئەمریکا واژۆکردووە.

 
کەناڵی حەدەس: حکومەتی هەرێمی کوردستان ڕێککەوتننامەی ملیاری لە بواری وزە لەگەڵ ئەمریکا کردووە.