دوو کارمەندی باڵیۆزخانەی ئیسرائیل لە واشنتن کوژران

ئاڤا نیوز

میدیاکانی ئەمریکا بڵاویان کردەوە کە دوو کارمەندی باڵیۆزخانەی ئیسرائیل لە نزیک مۆزەخانەی جووەکان لە واشنتن بە دەستڕێژی گولـلە کوژران.

چیرۆکی سەرەکی: شەوی چوارشەممە، لە نزیک مۆزەخانەی جووەکان لە واشنتن دی سی، دوو کارمەندی باڵیۆزخانەی ئیسرائیل کوژران، چەند خولەکێک دوای ڕووداوەکە بکەری ڕووداوەکە دەستگیرکرا.

زانیاری بەدەستهاتوو:  میدیاکانی ئەمریکا بڵاویانکردەوە، کارمەندانی باڵیۆزخانەی ئیسرائیل لە مۆزەخانەکەدا خەریکی ئاهەنگگێڕان بوون و کوژراوەکان ژن و پیاوێکن و هێشتا ڵێکۆڵینەوە لە ڕووداوەکە بەردەوامە.

ڕاگەیێنراوی فەرمی: پۆلیسی ئەمریکا ڕایگەیاند: تەقەکەرەکە ناوی ئیلیاس رۆدریگێز تەمەنی 30 ساڵە و لە کاتی دەستگیکردنی هاواری کردووە ''ئازادی بۆ فەڵەستین''.

لەلایەکی دیکەوە: دۆناڵد ترەمپ، سەرۆکی ئەمریکا دوای پەیامی هاوخەمی بۆ کەسوکاری قوربانیان ڕایگەیاند: ''ئەمریکا شوێنی ڕق و کینە و تووندڕەوی نییە ، هاوکات گوتیشی پێویستە کوشتن لەسەربنەمای جوو کۆتاییبێت''.