کۆمسیۆن ئاماری کۆتایی لیستی هاوپەیمانی و حیزبەکان بڵاودەکاتەوە

ئاڤا نیوز

 

بەپێی بڕیاری كۆمسیۆنی باڵای سەربەخۆی هەڵبژاردنەکان، وادەی تۆماركردنی پارت و هاوپەیمانێتییەكان بۆ هەڵبژاردنی داهاتووی پەرلەمانی عێراق کۆتایی هات، دوا ئاماریشی سەبارەت بەم بابەتە بەفەرمی بڵاوکردەوە. 

 

وێنە گەورەکە:  بەمەبەستی تۆمارکردنی هاوپەیمانی و حیزب و لیستی تاکەکەسیی بۆ بەشداریی هەڵبژاردنی پەرلەمانی عێراق، کۆمسیۆنی باڵای سەربەخۆی هەڵبژاردنەکانی عێراق 15-4-2025 تاوەکو  4-5-2025 دیاری کرد، دواتر بۆ جاری دووەم تاوەکو 22-5-2025 وادەکەی درێژکردەوە.

 

ڕاگەیێنراوی فەرمی: کۆمسیۆن لە بەیاننامەیەکدا لیستی کۆتایی هاوپەیمانی و حیزب و لیستی تاکەکەسیی بۆ بەشداریی هەڵبژاردنی پەرلەمانی عێراق بڵاوکردەوە.

- 118 پارتی سیاسی.
- 25 هاوپەیمانی. 
- 5 هاوپەیمانی، هاوپەیمانێتییەیان لە کۆمسیۆن پەسەند کراوە.
- 11 هاوپەیمانی چاوەڕێی بڕیاری پەسەندکردن دەکەن .
- 16 لیستی تاکەکەسی.

 

ئەمەش بزانە: بڕیارە 11-11-2025 هەڵبژاردنی خولی شەشەمی پەرلەمانی عێراق لەسەرتاسەری عێراق بەهەرێمی کوردستانیشەوە بەڕێوەبچێت، کۆمیسیۆنی باڵای هەڵبژاردنەکانیش ئامادەیی خۆی بۆ بەڕێوەبردنی دەربڕی، پاڵپشت بە یاسای هەڵبژاردنەکانی ژمارە 12ـی ساڵی 2018، کە عێراق بەسەر 18 بازنەی هەڵبژاردن دابەش دەکات.