عێراق لەبارەی گەیاندنی هەڕەشەیەکی ترەمپ بۆ ئێران ڕوونکردەوە دەدات

ئاڤا نیوز

وەزارەتی دەرەوەی عێراق ڕەتیدەکاتەوە پەیامی سەرۆکی ئەمریکای گەیاندبێتە سەرکردەکانی ئێرانی سەبارەت بە دەرکردنی گرووپە چەکدارەکانی ئێران لە عێراق.

چیرۆکی سەرەکی: یەکێک لە میدیاکانی عێراقی هەواڵێکی بڵاوکردووەتەوە گوایە، وەزیری دەرەوەی عێراقی پەیامی دۆناڵد ترەمپ، سەرۆکی ئەمریکای بە ئێرانییەکان داوە کە دەبێت لە ماوەی دوو هەفتەدا گرووپە چەکدارەکانی لە عێراق بکشێنێتەوە.

ڕاگەیێنراوی فەرمی: وەزارەتی دەرەوەی عێراق لە ڕاگەیێنراوێکدا، دووپاتی دەکاتەوە کە ناوەڕۆکی ئەم ڕاپۆرتە هەواڵە لەسەر بنەمای هیچ سەرچاوەیەکی فەرمی نەبووە و نموونەی پراکتیزەکردنی ناپیشەیی میدیاییە بە ئامانجی بڵاوکردنەوەی زانیاری ناڕاست و چەواشەکارانە و کاریگەری نەرێنی لەسەر ڕای گشتی دروست دەکات لە ڕێگەی هەوڵێکی بەرنامە بۆ دارێژڕاوەوە بۆ شێواندنی وێنەی عێراق.

باکگراوند: ئەمڕۆ هەینی، ئاژانسی "ئیرەم نیوز"ـی عەرەبی لەزاری سەرچاوەیەک لە وەزارەتی دەرەوەی عێراق ئەو هەواڵەی بڵاوکردەوە، دواتر لە میدیاکانی عێراقی دەنگی دایەوە و ئەمەش وەزارەتی دەرەوەی ناچار کرد ڕوونکردنەوەی لەبارەیەوە بدات.