یەکەم ڕۆژی جەژنی قوربان دیاری کرا

ئاڤا نیوز

 

ناوەندی فەلەکناسی نێودەوڵەتیی ڕۆژی 6ـی حوزەیران، کە دەکاتە ڕۆژی هەینی وەک یەکەم ڕۆژی جەژنی قوربان دیاریکرد.

 

وێنە گەورەکە: جەژنی قوربان یەکێکە لە جەژنەکانی پەیڕەوکارانی ئایینی ئیسلام، لە ڕۆژی 10ـی زولحجەی هەموو ساڵێکی کۆچی، موسوڵمانان کە بەشداریان کردووە لە بەجێهێنانی فەریزەی حەج لە ڕۆژی نۆیەم دەچنە سەر کێوی عەرەفە و لە ڕۆژی دەیەمدا دێنەخوارەوە و دەبێتە یەکەم ڕۆژی جەژنی قوربان، هاوکات هەر ئەو ڕۆژە حاجیان قوربانی دەکەن.

 

ڕاگەیێنراوی فەرمی: ناوەندی فەلەکناسی نێودەوڵەتیی ڕایگەیاند: مانگی زولحیجە لە ئێوارەی رۆژی سێشەممە رێكەوتی 27ی ئایاری 2025 دەردەكەوێت و لە زۆرێک لە وڵاتانی عەرەبی و ئیسلامی دەتوانرێت بە چاوی ئاسایی و تەلیسكۆب ببینرێت، هەربۆیە ڕۆژی چوارشەممە ڕێكکەوتی 28ی ئایار یەكەم رۆژی مانگی زولحیجە دەبێت، بەمەش رۆژی هەینی ڕێكکەوتی 6ی حوزەیران یەكەم رۆژی جەژنی قوربان دەبێت.