ترەمپ بڕیاری جێبەجێکرنی سەپاندنی پێناسی گومرگی بۆ سەر یەکێتیی ئەوروپا دوا دەخات

ئاڤا نیوز

سەرۆکی ئەمریکا ڕەزامەندی دەربڕی بۆ دواخستنی سەپاندنی پێناسی گومرگی بەسەر یەکێتیی ئەوروپا تاوەکو مانگی تەمووز.

چیرۆکی سەرەکی: دۆناڵد ترەمپ، سەرۆکی ئەمریکا بڕیاری دابوو لە سەرەتایی مانگی داهاتووەوە بەڕێژەی 50% پێناسی گومرکی بەسەر کاڵای ئەورووپی بسەپێنێت ئەم بڕیارەشی بۆ ئەوە گەڕاندەوە کە دانوستانەکانیان لەگەڵ یەکێتیی ئەوروپا  هیچ ئەنجامێکی نەبووە.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، ''پەیوەندییەکی تەلەفۆنیم لەگەڵ ئۆرسولا ڤۆن دێر لاین، سەرۆکی کۆمیسیۆنی ئەوروپا ئەنجامدا داوای لێکردم بڕیاری سەپاندنی پێناسی گومرگی بۆ سەر یەکێتیی ئەوروپا دوابخەم''.

ئەوەی پێویستە بیزانیت: بڕیار بوو سەپاندنی پێناسی گومرگی لەسەر یەکێتیی ئەوروپا بە ڕێژەی 50% لە یەکی حوزەیرانەوە بکەوێتە بواری جێبەجێکردنەوە، بەڵام دۆناڵد ترەمپ ڕەزامەندی دەربڕیوە لەسەر دواخستنی بۆ 9ـی مانگی تەمووز.

لەلایەکی دیکەوە: ئۆرسولا ڤۆن دێر لاین، سەرۆکی کۆمیسیۆنی ئەوروپا ڕایگەیاند،  بەمزووانە دانوستانە بازرگانییەکانی نێوان برۆکسل و واشنتن دەست پێدەکەن.