ئەحمەد شەرع سەردانی کوێت دەکات

ئاڤا نیوز

 

سەرۆککۆماری سووریا بۆ قۆناغی ڕاگوزەر بە سەردانێکی فەرمی دەچێتە کوێت و لەگەڵ میری دەوڵەتی کوێت کۆدەبێتەوە.

 

بۆچی گرنگە: دەسەڵاتدارانی ئێستای سووریا پەیوەندییەکی پتەویان لەگەڵ وڵاتانی عەرەبی و بەتایبەتی وڵاتانی کەنداو هەیە و ئەم سەردانەی شەرع بۆ کوێت لە چوارچێوەی بەهێزکردنی ئەو پەیوەندییانە دێت، بەدیاریکراوی دوای هەڵگرتنی سزاکانی سەر ئەو وڵاتە لەلایەن ئەمریکاوە.

 

زانیاریی بەدەستهاتوو: بەگوێرەی ئاژانسی هەواڵی کوێت، سبەی یەکشەممە ئەحمەد شەرع، سەرۆککۆماری سووریا بە سەردانێکی فەرمی دەگاتە کوێت و لەگەڵ میر مەشعەل ئەحمەد جابر سەباح، میری دەوڵەتی کوێت کۆدەبێتەوە.

 

ئەوەی پێویستە بیزانیت: لە دوای دەستبەکاربوونییەوە، ئەحمەد شەرع، سەرۆککۆماری سووریا بۆ قۆناغی ڕاگوزەر لەیەکەم گەشتی دەرەوەیدا سەردانی شانشینی عەرەبستانی سعوودیەی کرد و دوابەدوای ئەویش سەردانی چەندین وڵاتی دیکەی عەرەبی و هاوکات تورکیا و فەرەنسای کرد.