بەریتانیا بودجەی بەرگری زیاد دەکات

ئاڤا نیوز

بەریتانیا بۆ ڕووبەڕوونەوەی  ئاڵنگارییە جیهانییەکان بڕیاری دا بودجەی بەرگریی وڵاتەکەی بەرزبکاتەوە.

 

وێنە گەورەکە: ڕۆژی شەممە 31-5-2025، حکومەتی بەریتانیا بڕیاری دا بە خەرجکردنی %3  داهاتی بەرهەمی  ناوخۆیی وڵاتەکەی بۆ بەرزکردنەوەی بودجەی بەرگری تاوەکو ساڵی 2034، ئەمەش لە کاتێکدایە کە لە چەند شوێێکی جیهان شەڕ و کوشتار هەیە و مەترسییە ئەمنییەکانی وڵاتان زیاتر بوون.

 

لێدوانی فەرمی: جۆن هیڵی، وەزیری بەرگری بەریتانیا ڕایگەیاند: ''ئەم هەنگاوەی وڵاتەکەمان توانای بەرگری زیاد دەکات و بەرگریی وڵاتەکەمان بەهێز دەکات بۆ بەرپەچدانەوەی هەموو هەڕەشە و ئاڵنگارییەکان، پاراستنی وڵاتەکەمان لەو ژینگە مەترسیدار و ئاڵۆزەی جیهانی تێدایە''.

 

لەلایەکی دیکەوە: کیەر ستارمەر، سەرۆکوەزیرانی بەریتانیا  لە کاتی ڕاگەیاندنی پلانی بەرگری لە سەرەتای ئەمساڵدا ڕایگەیاند: ''لە جیهانێکی مەترسیدار، زۆر گرنگە گەرەنتی بەهێزی و خۆراگریی وڵاتەکەمان دەستەبەر بکەین، بۆ پاراستنی گەلی بەریتانیا و بەرگری لە بەرژەوەندییە نیشتمانییەکانمان بکەین".

 

زانیاریی زیاتر: بودجەی بەرگریی بەریتانیا بۆ ساڵی 2024-2025، بە ڕێژەی 64.6 ملیار یۆرۆ دیاری کراوە و %2.3 داهاتی بەرهەمی ناوخۆ بۆ دابینکردنی ئەم بڕە بودجەیە تەرخان کراوە.