بەهۆی یاری ئاگرینەوە بەشێکی شاخێکی ڕواندز سووتا

ئاڤا نیوز

 

بەهۆی یاری ئاگرینەوە، لە سنووری شارۆچكەی ڕواندز ئاگرێكی گەورە كەوتەوە. دواتر تیمەکانی بەرگریی شارستانی توانیان ئاگرەکە کۆنترۆڵ بکەن.

 

بڵاوكراوەی فەرمی: بەڕێوەبەرایەتیی بەرگریی شارستانیی سۆران ئاشكرای كرد، درەنگانی شەوی ڕابردوو تیمەكانی بەڕێوەبەرایەتییەكە لە ڕووداوێكی ئاگر لە لۆفەكانی ڕواندز ئاگادار كرانەوە و دوای گەیشتنی تیمێك، توانرا ڕێگری لە تەشەنەكردنی زیاتری بكرێت و كۆنتڕۆڵ بكرێت.

 

زانیاریی زیاتر: بەپێی ڕاپۆرتی بەرگریی شارستانیی سۆران، هۆكاری ئاگرەكە یاریی ئاگرین بووە و ڕووداوەكە هیچ زیانێكی گیانی و دارایی لێنەكەوتووەتەوە.