ئێران بۆ ئەمریکا: ئێستا دانوستانەکان بێبەهان

ئاڤا نیوز

 

دوای ئەوەی ئەمریکا هەڵوێستی لە بارەی هێرشەکان ڕاگەیاند و پشتگیری ئیسرائیلی کرد، وەزارەتی دەرەوەی ئێران دەڵێت؛ ئێستا دانوستانەکان بێ بەهان.

وێنەگەورەکە: دوای 24 کاتژمێر لە دەستپێکردنی هێرشەکانی ئیسرائیل بۆ سەر دامەزراوە و پێگە ستراتیژیەکانی ئێران، هێشتا هەردوولا یەکتر مووشەک باران دەکەن و تاران هۆشداری بەو وڵاتانە دەدات کە پشتگیری ئیسرائیل دەکەن، هاوکات ئەمریکا بە یارمەتیدانی تەلئەڤیڤ تۆمەتبار دەکات.

لێدوانی فەرمی: ئیسماعیل بەقائی، وتەبێژی وەزارەتی دەرەوەی ئێران ڕایگەیاند: ''پەرەسەندنی ناکۆکییەکانی ئەم دوایانە و هێرشەکانی ئیسرائیل بە تەواوی کاریگەری لەسەر کشانەوەمان لە دانوستانەکان لەگەڵ ئەمەریکا هەبووە، ئەمریکاش تۆمەتبارە چونکە ڕێگەی بە ئیسرائیل دا بۆ ئەنجامدانی هێرشەکان''.

زانیاریی بەدەستهاتوو: سی ئێن ئێن لە زاری بەرپرسێکی ئەمنی ئێران ڕایگەیاند: ئێران بە چڕی هێرش دەکاتە سەر بنکەی سەربازی هەر وڵاتێک لە ناوچەکە کە هەوڵبدات پارێزگاری لە ئیسرائیل بکات.