ئیسرائیل: حەوت سەربازمان لە هێرشەکانی ئێران بریندار بوون

ئاڤا نیوز

وتەبێژی سەربازیی ئیسرائیل ڕایگەیاند، لە هێرشە مووشەکیەکانی دوێنێ شەوی ئێران کە بۆسەر وڵاتەکەی، حەوت سەربازیان برینداربوون.

وێنە گەورەکە: دوای ئەوەی ئیسرائیل بە زیاتر لە 200 فڕۆکەی جەنگی ئۆپەراسیۆنێکی ئەنجام دا و چەندین هێرشی ئاسمانی کردە سەر ناوەندەکانی پیتاندنی یۆرانیۆم و فەرماندە باڵاکانی ئێرانی کردە ئامانج، ئێران دوێنێ شەو وەکو تۆڵەکردنەوەیەک هێرشی پێچەوانەی دەست پێکرد و بە مووشەکی بالیستیک و درۆن هێرشی چڕی کردە سەر ئیسرائیل.

لێدوانی فەرمی: وتەبێژی سەربازیی ئیسرائیل بە میدیاکانی وڵاتەکەی ڕاگەیاند،  "شەوی ڕابردوو لە ئەنجامی کەوتنە خوارەوەی مووشەکێکی ئێرانی لە ناوەڕاستی ئیسرائیل، حەوت سەرباز بە سووکی بریندار بوون".

زانیاریی زیاتر: میدیاکانی ئیسرائیل ڕایانگەیاند بەشێکی زۆری مووشەک و درۆنەکانی ئێران لە لایەن سیستمی بەرگریی ئاسمانیی ئیسرائیلەوە خراونەتە خوارەوە، بەڵام بەشێکی مووشەکەکان ئامانجیان پێکاوە و بەهۆیەوە لانیکەم سێ هاووڵاتیی مەدەنی کوژراون و دەیان کەسی دیکەش بریندار بوون، هاوکات زیان بە ژمارەیەک باڵەخانەی نیشتەجێبوون گەیشتووە.