ئەردۆغان: رێگە نادەین سووریا دووبارە ناسەقامگیر بێت

ئاڤا نیوز 

 

دوای هێرشە خۆکوژییەکەی شەوی ڕابردوو لە دیمەشقی پایتەختی سووریا، ئەردۆغان، هێرشەکەی سەرکۆنەکرد و دەڵێ ڕێگەنادەن سووریا لە ڕێگەی ڕێکخراوە تیرۆریستییە بەکرێگیراوەکانەوە ڕاپێچی کەشێکی نوێی ناسەقامگیری بکرێت.  

 

راگەیێنراوی فەرمی: رەجەب تەیب ئەردۆغان، سەرۆک کۆماری تورکیا لە ئێکسەکەی خۆیەوە لەبارەی تەقینەوەکەی دیمەشقی سووریا رایگەیاند، "سەرکۆنەی ئەو هێرشە تیرۆریستییە قێزەونە دەکەم. سەرەخۆشی لە کەسوکاری ئەوانەی گیانیان لەدەستداوە و حکومەت و گەلی سووریا دەکەم."

 

ئەردۆغان هەروەها دەڵێ "گەلی سووریای دراوسێمان، دوای چەندین ساڵ لە چەشتنی ئازار و مەینەتی بەدەست شەڕەوە، یەکەمجارە بە هیواوە سەیری داهاتوویان دەکەن، هەرگیز ڕێگە نادەین برا سوورییەکانمان، بەو کردەوە تیرۆرستییانە بەرەو ناسەقانگیری پەلکێش بکرێن. ئێمە بەردەوام دەبین لە پشتیوانیکردنی حکومەتی سووریا لە بەرەنگاربوونەوەی تیرۆر."

 

باکگراوند: شەوی ڕابردوو، تەقینەوەیەکی خۆکوژی لە کەنیسەی مارئیلیاس لە دیمەشقی پایتەختی سووریا ڕوویدا، بەهۆیەوە 22 کەس کوژران و 63ـی دیکەش بریندار بوون.