هێزێکی ئەمنی سووریا هێرش دەکاتە سەر چەند حەشارگەیەکی چەکدارانی داعش

ئاڤا نیوز

وەزارەتی ناوخۆی سووریا ئاشكرای كرد، هێزێکی ئەمنی هەڵیکوتاوەتە سەر چەند حەشارگەیەکی چەکدارانی داعش لە دیمەشق و لادێکانی، لەنێویاندا حەشارگەی ئەو گرووپەی کە دوێنێ کەنیسەی مار ئەلیاسیان تەقاندەوە.

چیرۆکی سەرەکی: ئێوارەی ڕۆژی یەکشەممە 22-6-2025، تەقینەوەیەکی خۆکوژی لە کەنیسەی مار ئیلیاس لە شاری دیمەشق ڕوویدا، بەهۆیەوە 20 کەس کوژران و بە دەیانی دیکەش برینداربوون.

لێدوانی فەرمی: نورەددین بابا، وتەبێژی وەزارەتی ناوخۆی سووریا ڕایگەیاند: لە ئۆپەراسیۆنێکی سەربازی و ئەمنی هاوبەشدا لەگەڵ دەزگای هەواڵگریی گشتی، وەزارەتی ناوخۆی سووریا چەند پێگە و حەشارگەیەکی داعشیان لە دیمەشق و لادێکانی کردە ئامانج.

هەرچەندە وەزارەتی ناوخۆی سووریا وردەکاری ئەو ئۆپەراسیۆنەی ئاشکرا نەکردووە، بەڵام ئاماژەی بەوەکردووە، هێرشیان کردووەتە سەر ئەو گرووپە تیرۆرستییەی کە دوێنێ کەنیسەی مار ئیلیاسیان  تەقاندەوە.