ئیسرائیل هەڕەشەی 'هەژاندنی تاران' دەکات و دەڵێ ئێران ئاگربەستی شکاند

ئاڤا نیوز

دوای چەند کاتژمێرێک لە دەستپێکردنی ئاگربەستی راگرتنی جەنگ، ئیسرائیل، ئێران تۆمەتبار دەکات بە شکاندنی ئاگربەستەکە، بەڵام ئێران رەتیدەکاتەوە.

وێنە گەورەکە: لەکاتێکدا جیهان پێشوازی لە دەستپێکردنی ئاگربەستی ئیسرائیل و ئێران دەکات بە نێوەندگیریی دۆناڵد ترەمپی سەرۆکی ئەمریکا، ئیسرائیل ئێران تۆمەتبار دەکات بەوەی مووشەکی ئاڕاستە کردووە.

زانیاری بەدەستهاتوو: ڕادیۆی سوپای ئیسرائیل بڵاویکردەوە، ئێران دوو مووشەکی ئاراستەی ئیسرائیل کرد، ئەمە لەکاتێکدایە ترەمپ بەرەبەیانیی ئەمڕۆ ئاگربەستی ئیسرائیل و ئێرانی ڕاگەیاند و گوتی بەیانی (کاتژمێر 07:30ـی بەیانیی ئەمڕۆ بە کاتی تاران) دەکەوێتە بواری جێبەجێکردنەوە.

لێدوانی فەرمی: یسرائیل کاتز، وەزیری بەرگری ئیسرائیل ڕایگەیاند: زۆر بەتوندی وەڵامی ‌هێرشەکەی ئێران و پێشێلکردنی ئاگربەست دەدەینەوە. بێزالیل سمتۆریچ، وەزیری دارایی ئیسرائیلیش هەڕەشەی ئەوەی کرد ''تاران دەهەژێنین."

 

لەلایەکی دیکەوە: دیکەوە ئێران ڕەتیکردەوە ئاگربەستی پێشێل کردبێت و میدیای فەرمیی ئیران ڕایگەیاند "هێرشەکە لەلایەن ئێرانەوە نەبووە."