بەندكراوێكی سیاسی كورد 13 ساڵ زیندانی بەسەردا دەسەپێنرێت

ئاڤا نیوز

 بەندکراوێكی سیاسی لە ڕۆژهەڵاتی كوردستان، لەلایەن دەزگای دادوەری کۆماری ئیسلامی ئێرانەوە سزای 13 ساڵ زیندانییان بەسەردا سەپێنرا.

ڕاگەیێنراوی فەرمی: ڕێکخراوی مافی مرۆڤی هەنگاو ڕایگەیاند: محەممەد تاهیر حوسێن پوور، لەلایەن لقی یەکی دادگەی شۆڕشی مەهاباد بە تۆمەتی "موحارەبە و ئەندامیەتی و هاوکاری لەگەڵ یەکێک لە حیزبەکانی کوردستان" سزای 13 ساڵ زیندانی بەسەردا سەپێنرا.

زانیاريی زیاتر: ئەم هاووڵاتییە کوردە سەرەتای مانگی ئەیلوولی 2020، بە تۆمەتی هاوکاری لەگەڵ یەکێک لە حیزبە ئۆپۆزیسیۆنەکانی ڕۆژهەڵاتی کوردستان و بەشداریکردن لە ناڕەزایەتییەکانی مانگی ئابی هەمان ساڵ لە نەغەدە، کە لە دوای کوژرانی هاووڵاتییەک بە تەقەی ڕاستەوخۆی هێزە ئەمنییەکان هاتنە سەر شەقامەکان، بە 15 مانگ زیندانیکردن سزا درا.

ئەوەی پێویستە بیزانیت: ئەم بەندکراوە سیاسییە تەمەنی 31 ساڵە و لە 23-08-2023، لە ماڵی خۆیدا لە شاری نەغەدە دەستگیرکرابوو.