نەتانیاهۆ هەفتەی داهاتوو لە کۆشکی سپی لەگەڵ ترەمپ کۆدەبێتەوە

ئاڤا نیوز

بنیامین نەتانیاهۆ، سەرۆکوەزیرانی ئیسرائیل هەفتەی داهاتوو دەچێتە ئەمریکا و لە کۆشکی سپی لەگەڵ ترەمپ کۆدەبێتەوە.

 

لێدوانی فەرمی: بەرپرسێکی ئەمریکی ڕایگەیاند، بنیامین نەتانیاهۆ، سەرۆکوەزیرانی ئیسرائیل ڕۆژی دووشەممەی داهاتوو سەردانی کۆشکی سپی دەکات و لەگەڵ دۆناڵد ترەمپ، سەرۆکی ئەمریکا کۆدەبێتەوە.

 

هاوکات: کارۆلین لیڤیت، وتەبێژی کۆشکی سپی پێشتر ئاماژەی بەوەکردبوو کە کاردەکەن بۆ دیاریکردنی وادەی سەردانەکەی نەتانیاهۆ بۆ ئەمریکا.

 
ئەوەی پێشبینی دەکرێت: ئاگربەستی غەززە یەکێک دەبێت لە پرسە سەرەکییەکانی کۆبوونەوەی نێوان ترەمپ و نەتەنیاهۆ، پێشتریش وتەبێژی کۆشکی سپی ئاماژەی بە هەوڵەکانی ترەمپ بۆ ئەم پرسە کردووە و گوتبووی،  ترەمپ کۆتاییهێنان بەم شەڕەی لە غەززە کردووەتە پێشینەی کارەکانی.

 

ئەمەش بزانە: ئەمە سێیەمین دیداری نەتانیاهۆ دەبێت لەگەڵ ترەمپ لە واشنتن لەدوای گەڕانەوەی ترەمپ بۆ دەسەڵات.