سەرۆکوەزیران بارزانی و سوودانی لە داڤۆس کۆبوونەوەیان لەگەڵ وەزیری دەرەوەی ئێران هەڵوەشاندەوە

ئاڤا دیجیتاڵ

 

سەرۆکوەزیران مەسرور بارزانی و سەرۆکوەزیران محەممەد شیاع سوودانی، بەهۆی هێرشەکانی ئێران بۆ سەر شاری هەولێر کۆبوونەوەکانیان لەگەڵ وەزیری دەرەوەی ئێران لە داڤۆس هەڵوەشاندەوە.

 

چیرۆکی سەرەکی: سوپای پاسدارانی ئێران درەنگانی شەوی دووشەممە 15-01-2024 بە مووشەک هێرشی کردە سەر هەولێر، بەهۆیەوە پێنج کەس گیانیان لەدەستدا و شەش کەسی دیکە برینداربوون. 

 

 

بابەتی ستراتیژی: سەرۆکوەزیران بارزانی و محەممەد شیاع سوودانی، سەرۆکوەزیرانی عێراق ڕەتیانکردەوە لەگەڵ حوسێن ئەمیر عەبدوڵڵاهیان، وەزیری دەرەوەی ئێران کۆببنەوە، کە لە کارنامەی کۆبوونەوەکەیان لە داڤۆس هەبوو.

 

باکگراوند: سەرۆکوەزیران بارزانی دوای هێرشەکە لە پەیامێکدا داوا لە حکومەتی فیدراڵی دەکات هەڵوێستی تووندیان بەرامبەر بەم پێشێلکارییەی دەکرێتە سەر سەروەریی عێراق و بەتایبەتی هەرێمی کوردستان هەبێت.

 

لەلایەکی دیکەوە: محەممەد شیاع سوودانی، سەرۆکوەزیرانی عێراق دوێنێ بە ئاژانسی بلومبێرگی ڕاگەیاند.هێرشەکەی ئێران بۆ سەر هەولێر کردەوەیەکی دووژمنکارانەیە و دەستدرێژیی بوو بۆ سەر عێراق، هێرشەکە ناوچەیەکی نیشتەجێبوونی کردووەتە ئامانج و قوربانییەکانیش خێزانێکی کوردی عێراقی بوون، لەنێویاندا منداڵیشی تێدابوو، ئەم کارە پێشهاتێکی مەترسیدارە، پەیوەندیی بەهێزی نێوان عێراق و ئێران تێک دەدات.