ساڵح موتڵەگ: دەستوەردانی ئێران لە عێراق کەمبووەتەوە

ئاڤا نیوز

جێگری پێشووتری سەرۆکوەزیرانی عێراق پێیوایە، دەستوەردانی ئێران لە کاروباری ناوخۆی عێراق کەمبووەتەوە، بەڵام کاریگەری بۆ ماوەیەکی زۆر دەمێنێت.

لێدوانی فەرمی: ساڵح موتڵەگ، جێگری پێشووتری سەرۆکوەزیرانی عێراق لە چاوپێکەوتنێکی تەلەفزیۆنیدا ڕایگەیاند، ئەوانەی هێرش دەکەنە سەر هێزەکانی ئەمریکا موقاوەمە نین و موقاوەمە دژی داگیرکاری دەکرێت.

زانیاریی زیاتر: ئێستا لە عێراق هێزی داگیرکەری لێ نییە، ئەو بنکە سەربازییانەی هەن عێراقین و ڕاوێژکاری هاوپەیمانیی نیودەوڵەتییان تێدایە، ئەگەر هاوپەیمانان نەبووان بە 10 ساڵیش داعش تێکنەدەشکێندرا. موتڵەگ وادەڵێت.

گۆشەیەکی دیکە: ساڵح موتڵەگ دەڵێت هیچ کێشەیەکی لەگەڵ ئێران نییە، تەنیا کێشەی لەگەڵ دەستوەردانەکانی ئەو وڵاتەیە لە کاروباری ناوخۆی عێراق. ئەو پێیوایە ئێستا دەستوەردانی ئێران کەمبووەتەوە، بەڵام کاریگەرییەکەی تا ماوەیەکی زۆر دەمێنێت.