ئەپیكور: هێرشە درۆنییەكان بوونەتە هۆی وەستانی بەرهەمهێنانی نەوت

ئاڤا نیوز

گوتەبێژی كۆمەڵەی پیشەسازیی نەوتی كوردستان (ئەپیكور) ڕاگەیێنراوێكی سەبارەت هێرشە درۆنییەكانی سەر كێڵگە نەوتییەكانی هەرێمی كوردستان بڵاو كردەوە و ئاشكرای دەكات كە ئەو هێرشانە بوونەتە هۆی ڕاگرتنی بەرهەمهێنانی نەوت لە کێڵگەكانی نەوت لە هه‌رێمی كوردستان.

لێدوانی فەرمی: مایڵز کاگینز، گوتەبێژی کۆمەڵەی پیشەسازیی نەوتی کوردستان (ئەپیکور) ڕایگەیاند: سەرکۆنەی هێرشە درۆنییەکانی ڕۆژانی 15 و 16ـی ئەم مانگە بۆ سەر کێڵگە نەوتییەکان هەرێمی کوردستان دەکەن.

ئەو هێرشانە دەبنە هەڕەشە بۆ سەر سەلامەتی و ژیانی کارمەندەکانمان لە کێڵگە نەوتییەکان، هاوکات زیانێکی زۆر بە دامەزراوەکانیش دەگەیه‌نن.

هێرشەکان بوونەتە هۆی ڕاگرتنی بەرهەمهێنانی نەوت لە ژمارەیەک کێڵگەی نەوتی هه‌رێمی كوردستان، تەنانەت ئەو کێڵگانەی هێرشیان نەکراوەتەوە سەر، بە شێوەیەک به‌رهه‌مهێنانی 200 هه‌زار به‌رمیل له‌و كێڵگانه‌ وه‌ستاوه‌.

کۆمپانیاکان پابەندن بە دەستپێکردنەوەی بەرهەمهێنانی نەوت بە زووترین کات هەر کە هەولێر و بەغدا گەیشتنە ڕێککەوتن، ئامادەن  نەوت هەناردە بکەن.