ئیسرائیل بە کردنەوەی"دەرگای دۆزەخ بەسەر غەززەدا " هەڕەشە لە حەماس دەکات

ئاڤا نیوز

وەزیری بەرگریی ئیسرائیل هەڕەشە لە بزووتنەوەی حەماس دەکات بە وێرانکردنی کەرتی غەززە بەتەواوەتی لە ئەگەری ئازادنەکردنی بارمتەکان.

وێنە گەورەکە: ماوەی 21 مانگە جەنگ بەرۆکی کەرتی غەززەی گرتووە، سەرەڕای هەوڵە بەردەوامەکان، هێشتا ئاگربەستێکی هەمیشەیی بەدی نەهاتووە، هەردوو لایەن قوربانی و برینداری زۆریان داوە.

ئەوەی پێویستە بیزانیت: مەرجی سەرەکی ئیسرائیل بۆ ئاگربەستی کاتی، ئازادکردنی بێ مەرج و گشتگیری بارمتەکانە.

لێدوانی فەرمی: ئیسرائیل کاتز، وەزیری بەرگریی ئیسرائیل ڕایگەیاند، دەرگای دۆزەخ لەسەر غەززە دەکاتەوە ئەگەر حەماس بارمتەکانیان ئازاد نەکات.

هاوکات وتیشی، "پارێزگاری لە بارمتەکان دەکەین و هێرش دەکەینە سەر هەرشتێک کە پەیوەندی بە حەماسەوە هەبێت''.

ئەوەی پێویستە بیزانیت: تائێستا 50 بارمتە لە غەززە ماون و پێشبینی دەکرێت 20 یان لەژیاندا مابن.