ئەمریكا سزای نوێ بەسەر پاسداران و حووسییەكان و حیزبوڵڵا دەسەپێنێت
- ڕۆژهەڵاتی ناوەڕاست
- 27 ئازار

ئاڵای ئەمریکا و ئاڵای ئێران، وێنە: گێتی
ئاڤا نیوز
ئەمریكا سزای نوێ بەسەر سوپای پاسداران و حیزبوڵڵای لوبنان و حووسییەكان و چەند كەسایەتییەكی نزیك لە حکومەتی بەشار ئەسەد دەسەپێنێت.
وێنە گەورەكە: جارێكی دیكە وەزارەتی گەنجینەی ئەمریكا بەهۆی دابینکردن و گواستنەوەی پارە و کاڵا، سزای نوێی بەسەر فەیلەقی قودسی سوپای پاسدارانی ئێران، حووسییەکانی یەمەن، حیزبوڵڵای لوبنان و 11 كەسایەتیی نزیك لە حکومەتی سووریا بەسەرۆکایەتیی بەشار ئەسەد سەپاند.
ڕاگەیێنراوی فەرمی: وەزارەتی گەنجینەی ئەمەریکا ڕوونیکردووەتەوە، ئەو شەش دامەزراوە و کۆمپانیا و کەشتییەهەڵگرانەی سزایان بەسەردا سەپێندراوە، لە لیبریا، هیندستان، ڤێتنام، لوبنان و کوەیت تۆمارکراون و دەستیان هەبووە لە ناردنی پارە و کاڵا بۆ گرووپە چەكدارەكان.
بۆ نموونە: تۆفیق محەممەد سەعید عەلا، کە خەڵکی سووریایە و بازرگانی ئاڵوگۆڕی دراوە، بەهۆی گواستنەوەی ئەلیکترۆنی دارایی بۆ گرووپە چەکدارەکان یەکێکە لە سزادراوەکان.
زانیاریی زیاتر: سزاكە بریتییە لە بلۆكکردنی پارەكانیان لە چەند بانكێك لە لوبنان و وڵاتانی عەرەبی، كە ناڕاستەوخۆ بە ناوی چەند بازرگانێكی نزیك لەخۆیانەوە كراون، ئێران و گرووپە چەکدارەکان دەتوانن بەکاری بهێنن.
بۆچی گرنگە؟ سزادانی ئەو لایەن و كەسایەتییانە هۆكار دەبێت بۆ ئەوەی حووسییەكان بە ئاسانی دەستیان بە چەك و درۆنی ئێرانی نەگات، کە دژی كەشتییە بازرگانی و سەربازییەكانی بەریتانیا و ئەمریكا لە دەریای سوور بەکاریان نەهێنێت.
دوایین هەواڵەکان
- جیهان
- 7 کاتژمێر لەمەوپێش
فەرەنسا: ئەوروپا هەڵەبوو لە سەپاندنی باج لەسەر کحولی ئەمریکا
- تەندروستی
- 8 کاتژمێر لەمەوپێش
فشاری دەروونی دەبێتە هۆی قژ هەڵوەرین
- عێراق
- 8 کاتژمێر لەمەوپێش
سوودانی دڵنیایی دەداتە ئەمریکا لە پاراستنی هێزەکانیان لە عێراق
هەڵبژاردەکان بۆ تۆ
- ڕۆژهەڵاتی ناوەڕاست
- 19 کاتژمێر لەمەوپێش
ئیسرائیل دانوستاندنی ناڕاستەوخۆ لەگەڵ حەماس دەستپێدەکات
- ڕۆژهەڵاتی ناوەڕاست
- 19 کاتژمێر لەمەوپێش
ئەمریکا: هێرشەکانمان بۆ سەر حووسییەکان چەند هەفتەیەک دەخایەنێت