هۆشدارییەکی تووند بۆ ئەو کەسانەی لە دەرەوەی ڕێنماییەکان خەڵک بۆ عومرە دەبەن

ئاڤا نیوز

بەڕێوەبەرایەتیی گشتیی حەج و عومرەی هەرێمی کوردستان ڕێکاری یاسایی و کارگێڕی بەرامبەر بەو کەسانە دەگرێتەبەر لە دەرەوەی بڕیار و ڕێنماییەکان ڕیکڵام بۆ گەشتی عومرە دەکەن.

وێنە گەورەکە: ئەمساڵ پێش دەستپێکردنەوەی گەشتەکانی عومرە، بەڕێوەبەرایەتیی گشتیی حەج و عومرە، ڕێنمایی نوێی دەرکرد و گرێبەستی نوێی لەگەڵ ئەو کۆمپانیانە واژۆ کرد کە گەشتی عومرە ڕێکدەخەن، تێیدا ئەرک و مافی کۆمپانیا و عومرەکاران ڕێکخران و دیاری کران.

چیرۆکی سەرەکی: ژمارەیەک کەس لە ژێر ناوی جیاجیا لە پلاتفۆرمەکانی سۆشیال میدیا ڕیکلام بۆ بردنی هاونیشتمانیان دەکەن بۆ عومرە به‌ بێ ئه‌وه‌ی مۆڵەتی كۆمپانیای حه‌ج و عومره‌یان هه‌بێت یاخود هاوپشك و فه‌رمانبه‌ر بن له‌ هیچ كۆمپانیایه‌كی حه‌ج و عومره‌، بەڕێوەبەرایەتیی گشتیی حه‌ج و عومره‌ی هەرێمی كوردستانیش هۆشداریان پێدەدات و دووپاتی دەکاتەوە هەر کەسێک دوای ئەو هۆشدارییە ئەم کارە ڕانەگرێت، ڕووبه‌ڕووی لێپێچینه‌وه‌ی یاسایی و كارگێری ده‌بێته‌وه‌.

لێدوانی فەرمی: كاروان ستوونی، وتەبێژی بەڕێوەبەرایەتیی حەج و عومرەی هەرێمی كوردستان بە ئاڤای گوت: گەشتی عومرە بەجۆرێک ڕێکخراوە بەرژەوەندی گشتی و مافی عومرەکاران و کۆمپاکانیش پارێزراوە و ئەرک و بەرپرسیاریەتی هەموو لایەک دیاری کراوە، بۆیە دەبێت گەشتی عومرە لە چوارچێوەی ڕێنماییەکان بێت.

باکگراوند: 16ـی مانگی ڕابردوو گەشتی عومرە بەرێگەی وشکانی دەستی پێکردەوە و 18ـی هەمان مانگیش بەڕێگەی ئاسمانی گەشتەکان دەستیان پێکردەوە.