کۆمکاری عەرەبی بۆ ئەندامانی: پشتیوانی عێراق بن دژی هێرشی ئێران بۆ سەر هەولێر

ئاڤا دیجیتاڵ

 

کۆمکاری عەرەبی داوا لە وڵاتانی ئەندامی دەکات کە پشتیوانی عێراق بن دژی هێرشی ئێران بۆ سەر هەولێر. 

 

چیرۆکی سەرەکی: درەنگانی شەوی دووشەممە 15-01-2024 ئێران بە مووشەک هێرشی کردە سەر هەولێر، کۆمکاری عەرەبی لەسەر داوای عێراق ڕۆژی چوارشەممە 17-01-2024 کۆبووەوە و چەند بڕیارێکی دەرکردووە. 

 

شێوازی جێبەجێکردنی: کۆمکاری عەرەبی چەند بڕیارێکی لەبارەی هێرشەکەی ئێرانەوە بۆ سەر هەولێر وڵاتانی ئەندامی پابەندبێت بە بڕیارەکانەوە.

 

• کۆمکاری عەرەبی بڕیاری دا به‌توندی سه‌ركۆنه‌ی مووشه‌كبارانی سه‌ر هه‌رێمی كوردستان بکات كه‌ بووه‌ هۆی گیانلەدەستدانی ژماره‌یه‌ک هاووڵاتی و وێرانكردنی ژماره‌یه‌ک شوێنی هه‌ولێر. ئه‌م ده‌ستدرێژییه‌، دوژمنكارییه‌كی ئاشكرایه‌ بۆ سه‌ر سه‌روه‌ریی عێراق و ئاسایشی گه‌لی عێراق و پێشێلكردنی بنه‌مای دراوسێیه‌تی و یاسا و په‌یماننامه‌ و نه‌ریته‌ نێوده‌وڵه‌تییه‌كان.

 

•  ئه‌نجوومه‌نی كۆمكاری وڵاتانی عه‌ره‌بی له‌سه‌ر ئاستی وه‌زاری هه‌ر هۆكار و پاساوێک ڕەتدەکاتەوە ده‌كاته‌وه‌ كه‌ ئێران ده‌یانهێنێته‌وه‌ و كۆمكار سه‌ركۆنه‌یان ده‌كات. هه‌روه‌ها به‌ڕاستی نازانێت و ماف به‌ هیچ وڵاتێک نادرێت پێشێلی سه‌روەریی وڵاتێكی دیكه‌ بكات و ژیانی هاووڵاتییانی بخاته‌ مه‌ترسی كه‌ ئه‌مه‌ش ته‌واو پێچه‌وانه‌ی بنه‌ما یاساییه‌ نێوده‌وڵه‌تییه‌كان و په‌یماننامه‌ی نه‌ته‌وه‌یه‌كگرتووه‌كانه‌.

 

•  ئێران ته‌واوی ئه‌نجامه‌كانی ئه‌و پێشێلكارییه‌ له‌ئه‌ستۆ ده‌گرێت و پێشهاتێكی مه‌ترسیداریشه‌ كه‌ به‌ دووباره‌بوونه‌وه‌ی ئاشتی و ئاسایشی ناوچه‌كه‌ به‌شێوه‌یه‌كی گشتی ئاڵۆز ده‌كات.

 

•  ئه‌نجوومه‌نی كۆمكاری وڵاتانی عه‌ره‌بی له‌سه‌ر ئاستی وه‌زاری دووپات له‌سه‌ر یه‌كێتی و سه‌روه‌ریی خاكی عێراق ده‌كاته‌وه‌ دژی هه‌ر هه‌ڕه‌شه‌، ده‌ستدرێژی و پێشێلكارییه‌كی ده‌ره‌كی. هه‌روه‌ها جه‌خت له‌سه‌ر مافی عێراق ده‌كاته‌وه‌ به‌و پێیه‌ی ئه‌ندامی دامه‌زرێنه‌ری كۆمكاری وڵاتانی عه‌ره‌بی و ئه‌ندامی نه‌ته‌وه‌یه‌كگرتووه‌كانه‌، بۆ به‌رگریكردن له‌ خۆی‌ هه‌موو میكانیزمێكی یاسایی و دیپلۆماسی بگرێته‌به‌ر كه‌ هه‌ریه‌ک له‌ یاسای نێوده‌وڵه‌تی، په‌یماننامه‌ی نه‌ته‌وه‌یه‌كگرتووه‌كان و په‌یماننامه‌ی كۆمكاری وڵاتانی عه‌ره‌بی ده‌سته‌به‌ری ده‌كه‌ن.

 

•  داوا له‌ ئه‌ندامی عه‌ره‌بی له‌ ئه‌نجوومه‌نی ئاسایشی نێوده‌وڵه‌تی ده‌كرێت به‌ هه‌ماهه‌نگی له‌گه‌ڵ عێراق، پشتگیری بۆ ده‌ركردنی بڕیارێكی ئه‌نجوومه‌نی ئاسایشی نێوده‌وڵه‌تی كه‌ سه‌ركۆنه‌ی ئه‌و ده‌ستدرێژییانه‌ بكات به‌و پێیه‌ی پێشێلكردنی سه‌روه‌ریی عێراق و پێشێلكردنی بنه‌مای دراوسێیه‌تی و یاسا و نه‌ریته‌ نێوده‌وڵه‌تییه‌كانه‌.

 

•  ئه‌نجوومه‌نه‌كانی باڵیۆزانی عه‌ره‌ب له‌ نیویۆرک، جنێف، ڤیه‌ننا، برۆكسل، واشنتن، له‌نده‌ن، پاریس، په‌كین و مۆسكۆ ڕادەسپێردرێن بۆ گه‌یاندنی ئه‌و بڕیاره‌ به‌ وه‌زاره‌ته‌كانی ده‌ره‌وه‌ی ئه‌و وڵاتانه‌ و ڕێكخراوه‌ نێوه‌ده‌وڵه‌تییه‌كان.

 

•  داوا له‌ سكرتێری گشتیی ئه‌نجوومه‌نی كۆمكاری وڵاتانی عه‌ره‌بی ده‌كرێت چاودێری ئه‌و بابه‌ته‌ بكات و له‌مباره‌یه‌وه‌ گفتوگۆ له‌گه‌ڵ وڵاتانی ئه‌ندامی ئه‌نجوومه‌نی ئاسایشی نێوده‌وڵه‌تی و سكرتێری گشتی نه‌ته‌وه‌یه‌كگرتووه‌كان بكات سه‌باره‌ت به‌ ناوه‌ڕۆكی بڕیاره‌كه‌ و به‌دواداچوونی ئه‌و سكاڵایه‌ی حكومه‌تی عێراق پێشكه‌ش به‌ ئه‌نجومه‌نی ئاسایشی نێوده‌وڵه‌تی كردووه‌.

 

باکگراوند: کۆمکاری عەرەبی لە 22 وڵات پێکدێت، کە سەرجەم وڵاتانی عەرەبی لە ئاسیا و ئەفریقا تێیدا ئەندامن، دەستورێک بۆ پەیوەندی و هەماهەنگی نێوانیان کۆیان دەکاتەوە.