ئەنجامی بەرایی؛ جەهەپە زۆرترین دەنگ و دەم پارتیش لە 10 شار یەکەمە

ئاڤا نیوز 

 

بەپێی ئەنجامە بەراییەكانی 99.82%ـی دەنگەكان، لە هەڵبژاردنی شارەوانییەکانی تورکیا جەهەپە زۆرترین دەنگی بەدەستهێناوە، دەم پارتی لە 10 شاری باکووری کوردستان یەکەمە و ئەكرەم ئیمام ئۆغڵوش لە گەورەشارەوانی ئیستەنبوڵ براوەیە.

 

وێنە گەورەكە: جیاكردنەوەی دەنگەكان لە توركیا و پارێزگاكانی باكووری كوردستان بەردەوامە، بەپێی ئەنجامی 99.82%ـی دەنگەكان: جەهەپە 37.74%، ئاكپارتی 35.49%، دەم پارتی 5.68%، مەهەپە 4.98%، ئی پارتی 3.77%ـی دەنگەكانیان بەدەستهێناوە.

ژمارەی شارەوانییەکان: ئاکپارتی: 505 شارەوانی (12 گەورەشارەوانی)، جەهەپە: 420 شارەوانی (14 گەورەشارەوانی) مەهەپە: 184 شارەوانی، 4. دەم پارتی: 82 شارەوانی (سێ گەورەشارەوانی) یەرەپە: 60 شارەوانی (یەک گەورەشارەوانی)  ئیی پارتی: 30 شارەوانی .

ژمارەکان وا دەڵێن:

بەپێی ئەنجامەكان كە لە میدیاكانی توركیا بڵاوكراوەتەوە:

ئەكرەم ئیمام ئۆغڵو، بەربژێری جەهەپە: 51.9%ـی دەنگەكانی ئیستەنبووڵی بەدەستهێناوە.

موڕات كوڕەم، بەربژێری ئاک پارتی: 39.59%ـی دەنگەكانی ئیستەنبووڵی بەدەستهێناوە.

مەنسووڕ یاوەش:  60.35%ـی دەنگەكانی ئەنقەرەی بەدەستهێناوە.

تورگوت ئاڵتینۆک: 31.69%ـی دەنگەكانی ئەنقەرەی بەدەستهێناوە.

جەمیل توگای: 48.90%ـی دەنگەكانی ئیزمیری بەدەستهێناوە.

حەمزە داغ:  37.7%ـی دەنگەكانی ئیزمیری بەدەستهێناوە.

ئەوەی پێویستە بیزانیت: دەم پارتی هەر بەپێی ئەنجامە بەراییەكان لە توركیا و باكووری كوردستان، شارەوانی 10 شاری بەدەستهێناوە كە پێكدێن لە ئامەد، وان، سێرت، ئیدیر، مێردین، جۆلەمێرگ، ئاگری، دێرسم،  ئێلیهـ و مووش.