ئێران بریار لە سەر چۆنییەتی وەڵامدانەوەی ‌هێرشەکەی ئیسرائیل دەدات

ئاڤا نیوز 

ئێران سەبارەت بە چۆنیەتی وەڵامدانەوەی هێرشەکەی ئیسرائیل، بۆ سەر باڵیۆزخانەکەی لە دیمەشق بڕیارێک دەدات.  

وێنە گەورەکە: دوای بۆردوومانەکەی ئیسرائیل بۆ سەر باڵیۆزخانەی ئێران لە دیمەشق، ئێران تووڕەیە و هەڕەشەی تۆڵەسەندنەوە دەکاتەوە.    

                                                                                
لێدوانی فەرمی:  ناسر کەنعانی، گوتەبێژی وەزارەتی دەرەوەی ئێران گوتی: ئێران وێڕای پاراستنی مافی خۆی بۆ گرتنەبەری ڕێوشوێنی بەرەنگاربوونەوەی، بڕیار لەبارەی چۆنیەتی کاردانەوەی و سزای هێرشە دوژمنکارییەکەی ئیسرائیل دەدات. 

باکگراوند: کاتژمێر پێنجی ئێوارەی ئەمڕۆ فڕۆکەکانی ئیسرائیل باڵیۆزخانەی ئێرانیان لە سوریا بۆردوومانکرد ، محەممەد ڕەزا زاهیدی یەکێک لە سەرکردەکانی فەیلەقی قودسی سوپای پاسداران و حەوت سەرکردە و ڕاوێژکاری دیکەی ئێرانییان کوشت.