لە مانگی داهاتووەوە بازرگانان دەتوانن لە هەولێرەوە داوای ڤیزای چین بكەن
- هەواڵ
- 22 کانوونی دووەم

ئاڤا دیجیتاڵ
سەرۆكی یەكێتیی هاوردە و هەناردەكارانی هەرێمی كوردستان دەڵێت، لەگەڵ كونسوڵی چین لە هەولێر كۆبوونەتەوە، قسە لەسەر ئەوەكراوە كارئاسانی بۆ بازرگانانی هەرێمی كوردستان بكرێت بۆ ئەوەی لە هەولێر ڤیزای چینیان دەستكەوێت.
بۆچی گرنگە: چین سێیەم وڵاتە كە زۆرترین كاڵا و شتومەكی لێوە هەناردەی هەرێمی كوردستان دەكرێت، بازرگانانی هەرێمی كوردستان بۆ هێنانی كاڵا لە چین پێویستە بچنە بەغدا و لە ڕێگەی كۆمپانیاكانەوە مامەڵەی وەرگرتنی ڤیزا و داوەتنامە بكەن، تێچووەكەی بە لایەنی كەمەوە 500 دۆلاری ئەمریكییە، ئەگەر لە هەولێر ڤیزا وەربگرن كەمتر لە 100 دۆلار تێچووەكەی دەبێت.
لێدوانی فەرمی: بە گوێرەی بڕیارێك لە وەزارەتی دەرەوەی چین، كە دوای گفتوگۆكردن لەگەڵ كونسوڵی چین لە هەولێر لە مانگی دووی ئەمساڵەوە ئەو ڤیزایە لە هەولێر دەدرێت بە بازرگانانی هەرێمی كوردستان، ڕسوماتی وەرگرتنی كەمتر دەبێت لە 100 دۆلاری ئەمریكی، چیتر پێوست ناكات بازرگانانی هەرێمی كوردستان بۆ بەدەستهێنانی ڤیزا بچنە بەغدا، دەتوانن لە هەولێر بەدەستی بهێنن. مستەفا شێخ عەبدولڕەحمان، سەرۆكی یەكێتیی هاوردە و هەناردەكارانی هەرێمی كوردستان ئەمەی بە ئاڤا میدیا گوت.
زانیاری زیاتر: ئەو كاڵایانەی لە چینەوە هاوردەی هەرێمی كوردستان دەكرێن پێكهاتوون لە كەرەستەی بیناسازی، پێداویستی ناوماڵ، جل و بەرگ، كەل و پەلی جوانكاری، هەروەها ئۆتۆمبێل كە سێ بۆ چوار ماڕكەی لە هەرێمی كوردستان هەن.
باكگراوند: قەبارەی بازرگانی هەرێمی كوردستان بە نمرە یەك لەگەڵ توركیایە ئینجا ئێران، لە پلەی سێیەم وڵاتی چین دێت كە ڕێژەی %25 كاڵا و پێداویستییەكانی هەرێمی كوردستان لە چینەوە هاوردە دەكرێن، هەروەها قەبارەی هاوردەی چین بۆ هەرێمی كوردستان لە ساڵی 2023 نزیكەی پێنج ملیار دۆلار بووە.

ئاڤا دیجیتاڵ
Editor
دوایین هەواڵەکان
- جیهان
- 1 کاتژمێر لەمەوپێش
سەرەڕای هەوڵەکانی ئاگربەست، ڕووسیا لە پێشڕەوییەکانی بەردەوامە
- جیهان
- 1 کاتژمێر لەمەوپێش
ترەمپ لەسەر کۆنترۆڵکردنی گرینلاند سوورە
- کوردستان
- 2 کاتژمێر لەمەوپێش
فازڵ میرانی: دەسەڵاتدارانی بەغدا کوردیان وەک هاوبەش قبووڵ نەکردووە
- عێراق
- 2 کاتژمێر لەمەوپێش
شەیبانی لەگەڵ هەر سێ سەرۆکایەتییەکەی عێراق کۆبووەوە
هەڵبژاردەکان بۆ تۆ
لە هەولێر دوو هەزار دۆنم زەوی سەوزە تێکدراوە کە بە ئاوەڕۆ بەرهەم دەهات
4 کاتژمێر لەمەوپێش
چەند مەیموونێک خەڵکی گەڕەکێکی هەولێر هەراسان دەکەن
13 ئازار
پڕۆژەی فریاگوزاریی خێرای ئاوی هەولێر 75%ی تەواو بووە
13 ئازار
هاوشێوەی چاپکراوەن دراوە ئەلیکترۆنییەکانیش زەکاتیان لێدەردەکرێت
13 ئازار
خۆری ئاڤا؛ چیرۆکی دایک و کچێکی نەخۆش لە شاری ڕانیە کە لە دۆخێکی سەختی ئابووریدان
13 ئازار