توركیا هەشت كەس بە تۆمەتی سیخوڕی بۆ ئیسرائیل دەستگیردەكات

ئاڤا نیوز

وەزارەتی ناوخۆی توركیا، دەستگیركردنی هەشت كەسی بەتۆمەتی سیخوڕیكردن بۆ ئیسرائیل ڕاگەیاند.

وێنە گەورەكە: پەیتا پەیتا حكومەتی توركیا دەستگیركردنی چەند كەسێك بەتۆمەتی “سیخوڕیكردن “ و كاركردن بۆ حكومەتی ئیسڕائیل ڕادەگەیێنێت، ئەمڕۆ هەشت كەس بە تۆمەتی كاركردن و سیخوڕیكردن بۆ ئیسڕائیل دەستگیران.

لێدوانی فەرمی: وەزیری ناوخۆی توركیا ڕایگەیاند: ئەو هەشت كەسە لە ژێر لێكۆڵینەوەی ورددان، چەندین كەسی دیكەش لەژێر چاودێری دان و بە پشتبەستن بەزانیارییەكان هەموو ئەو كەسانە دەستگیردەكرێن كە بۆ ئیسڕائیل سیخوڕی دەكەن.

ئەوەی پێویستە بیزانیت:  لە دوو مانگی ڕابردوودا زیاتر لە 60 كەس بەتۆمەتی سیخوڕیكردن بۆ ئیسڕائیل لە ناو خاكی توركیا دەستگیركراون، بەشێكیان هاووڵاتی توركیان و بەشێكی دیكەشیان بیانین.