ترەمپ لە ئێوارەخوانێکدا 50 ملیۆن دۆلار بۆ بانگەشەی هەڵبژاردن کۆدەکاتەوە

ئاڤا دیجیتاڵ 

دۆناڵد ترەمپ، بەربژێری کۆمارییەکان بۆ سەرۆکایەتیی ئەمریکا، لە ئێوارەخوانێکدا لە ویلایەتی فلۆریدا 50.5 ملیۆن دۆلار بۆ بانگەشەی هەڵبژاردن کۆدەکاتەوە.

چیرۆکی سەرەکی: هەڵمەتی کۆکردنەوەی پارە بۆ بانگەشەی هەڵبژاردن لە ئێوارەخوانێکی ملیاردێرە بەناوبانگەکان لە هەوارگەی 'پام بیچ' لە فلۆریدا بەڕێوەچووە. 

لێدوانی فەرمی: ترەمپ بۆ هاندانی پارەدەرەکان لە سەرەتای کۆبوونەوەکەدا وتارێکی حەماسی پێشکەش کردووە و ڕایگەیاندووە "خەڵک گۆڕانکاریی دەوێت، خەڵکی دەوڵەمەند ئەوەی دەوێت، خەڵکی هەژار ئەوەی دەوێت".

زانیاریی زیاتر: لە ئێوارەخوانەکەدا مێلانیا ترەمپ، هاوژینی ترەمپ بەشدار بوو؛ ئەو زۆربەی جار خۆی لە بەشداریکردن لە هەڵمەتەکانی هەڵبژاردن بەدوور گرتووە.