ئۆکراینا ئامادەکاری بۆ هێرشی نوێ دەکات

ئاڤا نیوز

 

سەرۆکی ئۆکراینا ڕایدەگەیێنێت، ئامادەکاری بۆ هێرشی نوێ دەکەن و لەنێوبردنی پردی کریمیا یەکێک دەبێت لە ئامانجەکانیان.

 

بۆچی گرنگە: پردی کریمیا، نیمچە دوورگەی کریمیا و ڕووسیا بەیەکەوە دەبەستێتەوە، ڕووسیا وەک ڕێگەیەکی سەربازی بەکاری دەهێنێت بۆ هێرشکردنە سەر ئۆکراینا.

 

لێدوانی فەرمی: ڤۆلۆدیمیر زێلێنسکی، سەرۆکی ئۆکراینا بە ڕۆژنامەی بیڵدی ئەڵمانی ڕاگەیاندووە: "هێزەکانی ئۆکراینا دەیانەوێت هێرش بکەنە سەر ئەو پردانەی چەک لە ڕێگەیانەوە دەگوازرێتەوە بۆ ئەو فڕۆکەخانانەی دژی وڵاتەکەیان بەکاردەهێنرێن".

 

ئەوەی پێویستە بیزانیت: کیێڤ چەندینجار هەوڵی هێرشکردنە سەر پردی کریمیای داوە، گرنگترینیان جارێک لە ساڵی 2022 و جارێکیش لە 2023 دا، هەردوو جارەکەش دەزگای ئاسایشی ئۆکراینا بەرپرسیارێتی هێرشەکانی لەئەستۆ گرتووە.

 

باکگراوند: لە سەرەتای ساڵی 2021 ەوە ئۆکراینا و ڕووسیا لە شەڕێکی سەختدان و بەشێکی زۆری  ئۆکراینا وێران بووە، ئەگەر هاوکاری ئەوروپا و ئەمریکا نەبوایە ئێستا کیێڤ کەوتبوو.