ئەمریکا بۆ ئیسرائیل: بەشداری هیچ هێرشێک بۆ سەر ئێران ناکەین

ئاڤا نیوز

 

لەکاتێکدا ئیسرائیل خۆی بۆ هێرش بۆ سەر ئێران ئامادە دەکات، ئەمریکا بە سەرۆکوەزیرانی وڵاتەکەی ڕاگەیاندووە بەشداری لە هیچ هێرشێک بۆ سەر ئێران ناکات.

 
بۆچی گرنگە: ئەمریکا پشتیوانێکی گەورەی ئیسرائیلە و لە هێرشی بەرەبەیانی ئەمڕۆی ئێران، یارمەتییەکی گەورەی وڵاتەکەی دا بۆ بەرپەرچدانەوەی مووشەک و درۆنەکان،  ئیسرائیلیش تینوی تۆڵەیە و دەیەوێت هێرش بکاتەوە.

زانیاری بەدەستهاتوو: کەناڵی سی ئێن ئێن-ی ئەمریکی لەزاری بەرپرسێکی باڵای ئیدارەی بایدن بڵاویکردووەتەوە، سەرۆکی ئەمریکا لە پەیوەندییە تەلەفونییەکەی ئەمڕۆی لەگەڵ بنیامین نەتانیاهۆ، سەرۆکوەزیرانی ئیسرائیل باسی لەوە کردووە بەشداری هیچ ئۆپەراسیۆن و هێرشێک بۆ سەر ئێران ناکەن.

ئەوەی پێویستە بیزانیت: ئیسرائیل ئامانجی ئەوەیە لە نزیکترین کاتدا تۆڵە بکاتەوە و بەرپرسانی وڵاتەکە گڵۆپی سەوزیان بۆ نەتانیاهۆ هەڵکردووە تا هێرشەکە بکات لەبەرامبەر ئەو هێرشەی ئێران کردی کە تێیدا زیاد لە 300 درۆن و مووشەکی ئاراستەی ئیسرائیل کرد

راگەیێنراوی فەرمی: لە راگەییندراوێکدا جۆ بایدن دەڵێت: پشتیوانی ئێمە بۆ ئیسرائیل پۆڵایینە، لە خستنەخوارەوەی هەموو درۆن و مووشەکەکانی ئێران یارمەتی ئیسرائیلمان دا، ئەمڕۆ سەرکردەکانی گروپی حەوت لەبارەی هێرشەکەی ئێران کۆدەکەمەوە.

ئەوەی لەبارەیەوە دەگوترێت: پێشتر کەناڵی ئێن بی سی ڕایگەیاندبوو کە جۆ بایدن نیگەرانی خۆی بە نەتانیاهۆ گەیاندووە و پێی گوتووە، "ئەمریکا پەلکێشی شەڕێکی گەورەتر مەکە."