سی ئای ئەی داوای نێوەندگیری لە تورکیا  کردووە

ئاڤا نیوز

دوای هێرشەکەی ئێران بۆ سەر ئیسرائیل پەردە لەسەر چەند زانیارییەکی نوێ هەڵدەدرێتەوە و سی ئای ئەی دەڵێت داوایان لە تورکیا کردووە نێوەندگیری لە نێوان ئێران و ئیسرائیلدا بکات.

لێدوانی فەرمی: ویڵێما بێرنز، سەرۆکی دەزگای هەواڵگریی ئەمریکا (CIA) لە جەژنی ڕەمەزاندا داوای لە ئیبراهیم کاڵن، سەرۆکی دەزگای هەواڵگریی تورکیا (میت) کردووە نێوەندگیری لە نێوان ئێران و ئیسرائیلدا بکات. سەرچاوەیەکی ئەمنی لە تورکیا ئەمەی ئاشکراکردووە بەبێ خستنەڕووی زانیاری زیاتر.

لەلایەکی دیکەوە: ئەمڕۆ وەزارەتی دەرەوەی تورکیا لە ڕاگەیێنرواێکدا ئاشکرای کرد، ئەمریکا و ئێران داواکاری و پەیامەکانیان لەبارەی هێرش و گرژییەکانی نێوانیان لە ڕێگەی ئەوانەوە بۆ یەکدی ناردووە.

ئەوەی پێویستە بیزانیت: جگە لە پرسی ئیسرائیل و ئێران، کاڵن و بێرنز قسەیان لەبارەی دۆخی غەززە و پرسی ئاگربەست کردووە. دواتر کاڵن دیدارێکی لەگەڵ بزووتنەوەی حەماس کردووە.