ئوردن بۆ ئێران: ئیسرائیلیش ئاسمانمان ببەزێنێت بەرپەرچی دەدەینەوە

ئاڤا نیوز

وەزیری دەرەوەی ئوردن لە وەڵامی نیگەرانی و تووڕەیی ئێران ڕایدەگەیێنێت، ئەگەر ئیسرائیلیش ئاسمانیان ببەزێنێت و مەترسی دروست بکات بەرپەرچی دەدەنەوە.

وێنە گەورەکە: شەوی ڕابردوو ئێران لە ڕێگەی چەندین مووشەک و درۆنەوە ئیسرائیلی کردە ئامانج، بەشێکی ئەو مووشەکانەش لە ئاسمانی ئوردن تێکشکێنران، ئەمەش نیگەرانی و تووڕەیی  ئێرانی لێکەوتەوە.

چیرۆکی سەرەکی: ئەیمەن سەفدی، وەزیری دەرەوەی ئوردن باڵیۆزی ئێرانی لە وڵاتەکەی بانگهێشت کرد و داوای لێکرد "ئێران دەست لەو سووکایەتی و گومانە خراپانە هەڵبگرێت کە بەرامبەر بە ئوردن هەیانە".

لێدوانی فەرمی: ئەیمەن سەفدی ڕایگەیاندووە: مەترسییەکی ڕاستەقینە بۆ سەر ئاسایشی ئوردن هەبوو، لە ئەگەری کەوتنەخوارەوەی مووشەک و درۆنەکانی ئێران، بۆیە هێزەکانیان مامەڵەیان لەگەڵ ئەم مەترسییە کردووە، ئەگەر ئەم مەترسییە لە ئیسرائیلیشەوە بێت، ئوردن هەمان ڕێوشوێن دەگرێتەبەر".