ئەمریکا هاوكارییە داراییەکانی بۆ ئیسرائیل و ئۆكراینا پەسەند دەکات

ئاڤا نیوز

 

ئەمڕۆ ئەنجوومەنی نوێنەرانی ئەمریكا هاوكارییە دارایی و سەربازییەكانی بۆ ئیسرائیل، ئۆكراینا و تایوان پەسەند كرد كە بەهاكەی ملیاران دۆلارە.

 

وێنە گەورەكە: ئەنجوومەنی نوێنەرانی ئەمریكا بە بڕی 95 ملیار دۆلار هاوکارییکردنی بۆ ئیسڕائیل  و ئۆكراینا و تایوان پەسەند كرد،  ئەوە لەكاتێكدایە نیگەرانی جیهان لەبارەی جەنگی غەززەوە بەردەوامە.

 

ئەوەی پێویستە بیزانیت: كەمێك پێش ئێستا ئەنجوومەنی نوێنەرانی ئەمریكا هاوكارییە داراییەکانی بەزۆرترین دەنگ پەسەند كرد و ڕەوانەی ئەنجوومەنی پیران كرا كە بڕیارە ڕۆژی سێ شەممە دەنگی لەسەر بدرێت.

 

ئەوەی لەبارەیەوە دەگوترێت: جۆ بایدن، سەرۆکی ئەمریکا، ستایشی پاکێجی هاوکاری ئۆکرانیا و ئیسرائیل دەکات و ئیسرائیلیش دەڵێت، پەسەندکردنی هاوکارییەکان پەیامێکی بەهێزە بۆ دوژمنەکانمان.

هاوكارییەكان بەم شێوەیە دەبن: 60.8 ملیار دۆلار بۆ هاوكاری ئۆكراینا، 26.38 ملیار دۆلار هاوكاری بۆ ئیسرائیل، هەشت ملیار دۆلار بۆ هاوكاری تایوان و وڵاتانی دیکە.