بەریتانیا پاکێجێکی نوێی هاوکاری بۆ ئۆکرانیا دەنێرێت

ئاڤا نیوز

 

ڕیشی سووناک، سەرۆکوەزیرانی بەریتانیا بڕیاری دا پاکێجێکی نوێی هاوکاری ڕەوانەی ئۆکرانیا بکات، کە پێکهاتووە لە مووشەکی دوورمەودا، زرێپۆش و بەلەمی سەربازی.

 

هۆکارە زانراوەکان: شەڕی ئۆکراینا وڵاتەکەی دووچاری دۆخێکی دارایی و سەربازی سەخت کردووەتەوە، ئەمەش وایکرد ئۆکرانیا داوای هاوکاریی بەپەلە لە وڵاتانی ئەوروپا بکات، هەر بۆیە سەرۆکوەزیرانی بەریتانیا ڕایگەیاند کە ڕۆژی پێنجشەممە هاوکارییەکان دەگەیێنرێنە ئۆکرانیا. 

 

ژمارەکان وا دەڵێن: بەریتانیا 400 ئۆتۆمبێلی زرێپۆش، 60 بەلەمی سەربازی و ژمارەیەکی زۆر لە مووشەکی دوورمەودایان ئامادەکردووە، هاوکارییەکان بۆ پۆڵەندا دەنێرێت و لەوێشەوە هەناردەی ئۆکرانیای دەکات. 

 

زانیاریی زیاتر: تەنیا ئەمساڵ بەریتانیا 3.7 ملیار دۆلار هاوکاری بۆ ئۆکرانیا ناردووە و هاوکارییەکانی ئەمجارەی بە بەهای 617 ملیۆن دۆلار دەبێت.