هاکان فیدان سەردانی سعودیە دەکات

ئاڤا نیوز

 

هاکان فیدان، وەزیری دەرەوەی توركیا سبەی یەکشەممە سەردانی سعودیە دەكات بۆ گفتوگۆكردن لەسەر بەدیهێنانی ئاگربەست لە غەززە.

 

بۆچی گرنگە: توركیا و سعودیە هەر لەسەرەتاوە دژی هێرشی ئیسرائیل بوون بۆ سەر كەرتی غەززە و دەیان جار داوایان لە ئەنجوومەنی ئاسایش كردووە رێگری لە هێرشی ئیسرائیل بكەن بۆ سەر كەرتەكە.

 

ئەوەی پێویستە بیزانیت: ئەمە یەكەمین سەردانی وەزیری دەرەوەی توركیایە بۆ سعودیە لەسەرەتای دەستبەكاربوونی و لەسەرەتایی پێكدادان و ئاڵۆزییەكانی نێوان ئیسڕائیل و حەماسەوە.

 

بابەتە ستراتیژییەكان: ئاڵۆزییەكانی غەززە، ڕووبەڕووبوونەوەی تیرۆر، پرسی ئابووریی، كێشەكانی ڕۆژهەڵاتی ناوەڕاست، پردی پەیوەندییە ئابوورییەكانی ڕیاز و ئەنقەرە، هۆكاری سەرەكی سەردانەكەی هاكان فیدانن بۆ سعوودییە.

 

زانیاری زیاتر: سعودیە و توركیا لە ڕێگەی قەتەر، مانگی سور و ڕێكخراوی تەندروستی جیهانی بە بەهای زیاتر لە پێنج ملیار دۆلار هاوكاریی مرۆییان گەیاندووەتە كەرتی غەززە و بەنیازن پێكەوە هاوكاری زیاتر بۆ كەرتەكە بنێرن.