عێراق هاوشێوەی هەرێمی كوردستان كامێرای تیژڕۆیی دادەنێت

ئاڤا نیوز

وەزیری ناوخۆی عێراق، ئاماژە بە سووربوون لەسەر دانانی كامێرای تیژڕۆیی  لە سەرتاسەری وڵاتدا دەکات، ئەم هەنگاوەش دوای زیاتر لە 10 ساڵ لە جێبەجێکردنی لە هەرێمی کوردستان دێت.

وێنە گەورەکە: وەزارەتی ناوخۆی عێراق چەند ڕێکاری گرتووەتەبەر بۆ پەرەپێدانی سیستەمی هاتووچۆ بە ئامانجی گەیشتن بە سیستمی نێودەوڵەتی، لەوانە دانانی كامێرای تیژڕۆیی کە یارمەتیدەرن  لە کەمکردنەوەی قەرەباڵخی هاتووچۆ و ڕووداوەکان.

لێدوانی فەرمی: عەبدولئەمیر شەمەری، وەزیری ناوخۆی عێراق ڕایگەیاند: دانانی کامێرای تیژڕۆیی یارمەتیدەرە بۆ کەمکردنەوەی ئەرکی کارمەندانی هاتووچۆ، کە ڕۆژانە دەیان کاتژمێر لەسەر شەقامەکانن بۆ پێدانی ڕێنمایی بە شۆفێران."

ئەوەی پێویستە بیزانیت: زیاتر لە 10 ساڵە کامێرای تیژڕۆیی لە ناوەوە و دەرەوەی شارەکانی هەرێمی کوردستان دانراون، دوو ساڵیشە کامێرای خاڵ بۆ خاڵ لە بەشێکی شارەکان جێگیرکراوە.