سەرۆکی هەرێمی کوردستان بۆ کاسبکارانی بازاڕی قەیسەری: هاوخەمتانم

ئاڤا نیوز

 

سەرۆکی هەرێمی کوردستان لەبارەی سووتانی بازاڕی قەیسەری پەیامێکی بڵاو کردەوە و ڕایدەگەیێنێت، پێویسته هه‌ڵوه‌سته‌ له‌سه‌ر دووبارەبوونەوەی ئەم ڕووداوانه بکەین‌ و بەدواداچوون بۆ ڕووداوەکە بکرێت.

 

چیرۆکی سەرەکی: شەوی ڕابردوو ئاگرێکی گەورە لە بازاڕی قەیسەریی هەولێر کەوتەوە، زیاتر لە 227 دووکان و 7 کۆگە سووتان کە بە هۆیەوە زیانی ملیۆنان دۆلار بەر خاوەنەکانیان کەوت.

 

پەیامی فەرمی: "هیوای زووچاکبوونەوە بۆ برینداران دەخوازم و هاوخەمی کاسبکارانی ئەو بازاڕەم کە زیانیان بەرکەوتووە، دەبێ لایەنە پەیوەندیدارەکان لێکۆڵینەوەیەکی ورد بۆ هۆکارەکانی ئەو ڕووداوە نەخوازراوە بکەن"، نێچیرڤان بارزانی ـ سەرۆکی هەرێمی کوردستان.

 

زانیاریی زیاتر: نێچیرڤان بارزانی ئاماژەی بەوەش داوە، بازاڕەکە شوێنەوارێکی مێژووییە و سیمایەکی جوانی بە پایتەختی هەرێمی کوردستان بەخشیوە، هەموو پشتیوانییەک بۆ نۆژەنکردنەوەی دووپات دەکەینەوە.