چارەنووسی دەمیرتاش یەکلایی دەکرێتەوە

ئاڤا نیوز

 

حەسەن ئۆزگەنووش، پەرلەمانتاری پێشووی دەم پارتی بە ئاڤا نیوزی ڕاگەیاند، 16ـی ئایار دادگەی باڵای تورکیا بڕیار لەسەر چارەنووسی سەڵاحەدین دەمیرتاش دەدات.

 

وێنە گەورەکە: بڕیار وابوو مانگی ڕابردوو ئەنجامی بڕیارەکانی دادگە لەسەر کەیسی سەڵاحەدین دەمیرتاش بۆ ڕای گشتی ئاشکرا بکرێت، بەڵام بەبێ ئەوەی هیچ هۆکارێک باس بکرێت، بڕیارەکە دواخرا.

 

لێدوانی فەرمی: حەسەن ئۆزگەنووش، ئەندامی پێشووی پەرلەمانی دەم پارتی بە ئاڤا نیوزی گوت: پرسی دەستگیرکردنی دەمیرتاش بە تەواوی سیاسییە، مانەوەی لە زیندانیش تەنیا بۆ مەرامی سیاسییە.

 

زانیاریی زیاتر:  16ـی ئایار، دادگەی ئەنقەرە بڕیار لەسەر چارەنووسی دەمیرتاش دەدات، ئەگەری هەیە دەمیرتاش و هەشت ئەندامی باڵای دەم پارتی، لە دادگە ئامادە بن.

 

باکگراوند: سەڵاحەدین دەمیرتاش، هاوسەرۆکی پێشووی هەدەپە کە دەم پارتی ئێستایە، لە 6ـی نۆڤەمبەری 2016 بە تۆمەتی نزیکی لە پەکەکە و پرسی کۆبانێی ڕۆژئاوای کوردستان، لەلایەن حکومەتی تورکیاوە دەستگیر کرا.