عێراق هێزەکانی پاسەوانی سنووری هەرێمی کوردستان لە باجی گومرگی دەبەخشێت

ئاڤا نیوز  

ئەنجوومەنی ئاسایشی نیشتمانیی عێراق "ستراتیژیی ئاسایشی نیشتمانیی 2024-2028" پەسەند دەکات، هێزەکانی پاسەوانی سنووری هەرێمی کوردستانیش لە باجی گومرگی دەبەخشێت.

وێنە گەورەکە: محەممەد شیاع سوودانی، سەرۆکوەزیران و فەرماندەی گشتیی هێزە چەکدارەکانی عێراق، ڕۆژی 8-5-2024 سەرۆکایەتیی کۆبوونەوەی ئەنجوومەنی وەزاری بۆ ئاسایشی نیشتیمانی کرد.

لێدوانی فەرمی: لیوا یەحیا ڕەسول، گوتەبێژی فەرماندەی گشتیی هێزە چەكدارەكانی عێراق ڕایگەیاند: ئەنجوومەنی ئاسایشی نیشتیمانیی عێراق ستراتیژیی ئاسایشی نیشتمانیی 2024-2028ی پەسەند کرد کە بەپێی ستانداردە پەسەندکراوەکان ئامادەکرابوو، بۆ ئەوەی لەگەڵ بەرنامەی حکومەت بگوونجێت.

زانیاریی زیاتر: "لە کۆبوونەوەکەدا ئەنجوومەنەکە ڕەزامەندی دەربڕی لەسەر بەخشینی هێزەکانی پاسەوانی سنووری هەرێمی کوردستان لە باجی گومرگیی پەیوەست بە فرۆشتنی سەربازی، هاوشێوەی وەزارەتەکانی بەرگریی و ناوخۆ و دەزگای دژەتیرۆر، بەمەرجێک پڕچەککردنی ئەو هێزانە لە ڕێگەی وەزارەتی بەرگریی حکومەتی فیدراڵەوە بێت".

 گوتەبێژی فەرماندەی گشتیی هێزە چەكدارەكانی عێراق وای گوت.