ڕووسیا: هاوكارییەكانی ئەمریكا ناتوانێت ئۆكراینا لە هێرشی ئێمە بپارێزێت

ئاڤا نیوز

ئەمریکا پاکێجێکی دیکەی هاوکاری بۆ ئۆکراینا تەرخان کرد، ڕووسیاش دەڵێت ئەو هاوکارییە ناتوانێت ئۆکراینا لە هێرشەکانیان بپارێزێت.

وێنەگەورەکە: سەرەتای مانگی چوار ئەمریکا پاکێجێکی 60 ملیار دۆلاری بۆ هاوکاری ئۆکراینا تەرخانکرد، ئەمڕۆش کۆشکی سپی 400 ملیۆن دۆلار هاوکاری سەربازی بۆ ئەو وڵاتە ڕاگەیاند.

ڕاگەیێنراوی فەرمی: کۆشکی سپی ڕایگەیاند: بەبەهای 400 ملیۆن دۆلار چەک و پێداویستی سەربازی بۆ ئۆکراینا دابین دەکەن و لە نزیکترین کاتتدا هاوکارییەکان دەگەیەنرێنە کێڤ.

لە لایەکی دیکەوە: ڤلادیمێر زێلێنسکی، سەرۆکی ئۆکراینا گوتی: سوپاسی کۆشکی سپی دەکەین، هاوکارییەکان سوودی گرنگیان دەبێت بۆ بەرگریکردن لە دژی سوپایەکی داگیرکەر.

بۆچوونی لایەنی بەرامبەر: ماریا زاخارۆڤا، گوتەبێژی وەزارەتی دەرەوەی ڕووسیا گوتی: پشتیوانییەکانی ئەمریکا ناتوانن ئۆکراینا لە هێرشەکانی ئێمە بپارێزێت.