ل دهۆکێ ئاساییشێ دوو سەنتەرێن جوانکاریا ئافرەتان دائێخستن

ئاڤا دیجیتاڵ

رێڤەبەریا ئاسایشا پارێزگەها دهۆکێ راگەهاند؛ دوو سەنتەرێن جوانکاریا ئافرەتان ل دهۆکێ هاتنە دائیخستن، ئەو کەسێن دناڤ سەنتەریدا خو ب دکتۆر دابوو ناسین، کەس ژ وان باوەرناما پزیشکی نەبوو.

چیرۆکا سەرەکی: پشتی تۆمارکرنا چەندین سکالایان ژ لایێ وەلاتیان ڤە، دوو سەنتەرێن جوانکاریا ئافرەتان ل باژێرێ دهۆکێ هاتنە دائێخستن، ئەو کەسێن ل ئەوان سەنتەران خۆ ب دکتۆر دابوو ناسین، کەس ژ ئەوان باوەرناما پزیشکی نەبوو و هاتینە گرتن.

داخویانیا فەرمی: ئاساییشا دهۆکێ راگەهاند: پشتی دویفچوون و کۆمکرنا زانیاریان ژ لایێ تیمێن مە ڤە ل  رێڤەبەریا ئاسایشا دهۆکێ و هەڤکاری دگەل سەندیکا پزیشکێن کوردستان - لقێ دهۆک، ب فەرمانا بەرێز دادوەری، دوو سەنتەرێن جوانکاریا ئافرەتان هاتنە دائێخستن و ئەو کەسێن دناڤا وی سەنتەری دا کاردکر خۆ ب دکتورێن جوانکاریێ دابونە نیاسین و کەس ژ وان باوەرناما پزیشکی نەبوو، ب بڕیارا بەرێز دادوەر، تومەتبار هاتینە گرتن و پەرێن ڤەکولینێ بۆ هاتینە ڤەکرن و رێکارێن یاسایی دێ دگەل هێنە کرن.