پارێزەری دەمیرتاش بۆ ئاڤا: هەواڵی دواخستنی دادگەییکردنی دەمیرتاش دوورە لە ڕاستییەوە

ئاڤا نیوز

 

مەحسوونی قارەمان، پارێزەری دەمیرتاش  ئەو هەواڵانە ڕەت دەکاتەوە کە باس لە دواخستنی دادگەییکردنی دەمیرتاش بۆ 17ـی تەممووز دەکەن و دەڵێت، هیچ بڕیارێکی لەمجۆرە بە ئـێمە نەگەیشتووە.

 

لێدوانی فەرمی: مەحسوونی قارەمان، پارێزەری دەمیرتاش بە ئاڤا نیوزی گوت: دەمیرتاش دۆخی تەندروستی زۆرباشە و بەیانی دادگەییکردنەکەی لە دادگەی باڵای ئەنقەرە بەڕێوە دەچێت.

 

وێنە گەورەکە: بڕیارە کاتژمێر 10:00ـی بەیانی ڕۆژی پێنجشەممە، 83ـیەمین دانیشتنی دادگەییکردنی سەڵاحەددین دەمیرتاش، هاوسەرۆکی پێشووی هەدەپە، پەیوەست بە کەیسی کۆبانێ لە دادگەی باڵای ئەنقەرە بەرێوەبچێت.
  
زانیارییە بەدەستهاتووەکان: ئاڤا زانیویەتی، دەمیرتاش خۆی لە دادگە ئامادە نابێت و لە ڕێگەی ئۆنلاینەوە لە دادگەییکردنەکە بەشدار دەبێت.

 

ئەوەی پێویستە بیزانیت: ئەندام و لایەنگرانی دەم پارتی، داوای ئازادکردنی دەمیرتاش دەکەن و پێیانوایە ئەو پرسە بەتەواوی بەسیاسی کراوە.