کەنەدا گرووپێکی ئیسرائیلی سزا دەدات

ئاڤا نیوز

 

کەنەدا ژمارەیەک لەو جوو نیشتەجێکراوانەی سەر خاکە داگیرکراوەکانی فەڵەستین سزا دەدات کە تۆمەتبارن بە بەکارهێنانی تووندوتیژی لە کەرتی خۆرئاوای فەڵەستین لە دژی فەڵەستینییەکان. بە گوێرەی سزاکە، سزادراوەکان بۆیان نیە بچنە ناو کەنەدا.

 

لێدوانی فەرمی: مێلانی جۆلی، وەزیری دەرەوەی کەنەدا، گوتی: "بەم ڕێکارانە، ئێمە پەیامێکی ڕوون دەنێرین کە کارەکانی نیشتەجێکراوە تووندڕەوەکان جێگەی پەسەند کردن نین و هەروەها تاوانبارانی ئەو تووندوتیژییانە ڕووبەڕووی سزا دەکرێنەوە." 

 

زانیاریی زیاتر: لە ساڵی 1967ـەوە ئیسرائیل کەناری خۆرئاوای فەڵەستینی داگیرکردووە و نزیکەی 490 هەزار جووی لەوێ بە زۆر نیشتەجێکردووە کە ئەمە پێچەوانەی یاسا نێودەوڵەتییەکانە.

 

باکگراوەند: لە 7ـی ئۆکتۆبەرەوە، لانیکەم 491 فەڵەستینیی کەناری خۆرئاوا لەلایەن سوپای ئیسرائیل یان جووە نیشتەجێکراوەکانەوە کوژراون. هەر بۆیە، لە ماوەی چەند مانگی ڕابردوودا، هەر یەکە لە بەریتانیا، فەڕەنسا، یەکێتیی ئەوروپا و ئەمریکاش هەنگاوی هاوشێوەیان ناوە.